«Мир» каартаҕа региональнай төлөбүрдэри ыытыахтара

Сэтинньи 1 күнүттэн  “Мир” каартаҕа 27 араас региональнай социальнай төлөбүр ыытыллар буолла.
Олор истэригэр, холобур:
- ыйдааҕы социальнай истипиэндьийэ;
- 50% кээмэйдээх олорор дьиэ төлөбүрүн ороскуота уонна хомунаалынай өҥө компенсацията;
- оҕо төрөөтөҕүнэ, бастакы эбэтэр иккис оҕону иитэ ылыы иһин ыйдааҕы төлөбүр;
- хомунаалынай өҥө уонна олорор дьиэ субсидиятын төлөбүрэ о.д.а.
Билигин бу социальнай төлөбүрдэр аны реквизиттэринэн буолбакка, каарта нүөмэринэн эрэ оҥоһуллаллар – харчы быдан түргэнник кэлэр буолар, төлөбүр оҥороргор ол-бу булкуур, мэһэй тахсыбат. Маны таһынан, каартаҕа киирэр социальнай төлөбүрдэр иэстэри алҕас, сыыһа ылар дьонтон харыстыыллар. Урут “Мир” каартаҕа чуолаан федеральнай эрэ төлөбүрдэр быһаччы киирэллэрэ.