«МиР» көмөтө баһаам

«МиР» - 2022 сыллаахха куорат Пригороднай бөһүөлэгэр тэриллибит ТОС (Территорияны салайыыга уопсастыбаннай тэрилтэ) иһинэн ыччат дружината. 
«МиР» (Молодежь и развитие) дружина онтон саҕалаан сэрии уонна тыыл бэтэрээннэригэр, доруобуйаларынан хаарчахтаах биир дойдулаахтарыгар, соҕотоҕун олорор кырдьаҕастарга, олох очуругар оҕустарбыттар, мобилизованнайдар дьиэ кэргэттэригэр аһымал аахсыйалары ыытар. 
Ол курдук, муус устар 8 күнүгэр «МиР» элбэх оҕолоох дьиэ кэргэҥҥэ икки самосвал массыынанан умайбыт дьиэлэрин тиэйиигэ көмөлөспүтэ. Муус устар бүтүүтүттэн саҕалаан  ыалларга мотопомпанан тэлгэһэ уутун хачайдаан, биэс ыал дьиэтэ, мала-сала ууттан эмсэҕэлиирин тохтотто. 
Оттон бу ыам ыйын бырааһынньыктарын өрөбүллэригэр спонсордар өйөбүллэринэн тыыл бэтэрээннэригэр уонна сэрии сылларын оҕолоругар Улуу Кыайыы күнүнэн бэлэхтэри туттардылар. 
«Пригороднай» ТОС нэһилиэнньэ олоҕун уйгута тупсарын туһугар үлэтин тохтоппот. Кэккэ бырайыактарынан Ил Дархан уонна куорат баһылыгын граннарыгар сайаапкаларын биэрэр олорор.