05.03.2021 | 04:37

«Мин идэм — IT» саҕаланна

«Мин идэм — IT»  саҕаланна
Ааптар: Киин Куорат

Кулун тутар 1 күнүттэн үөрэнээччилэр уонна устудьуоннар «Мин идэм — IT»  өрөспүүбүлүкэтээҕи күрэхтэрэ  алтыс төгүлүн ыытыллар. Үүнэр көлүөнэҕэ аналлаах, IT-эйгэҕэ киэҥ далааһыннаах региональнай бырайыакка эдэр дьон кытталлар. Үс бөлөххө арахсан, ыам ыйыгар диэри хас даҕаны түһүмэҕинэн күрэхтэһиэхтэрэ.

Бастаан муниципальнай сүүмэрдиир түһүмэхтэр ыытыллыахтара, онтон финалга бастыҥнары быһаарыахтара. Кыайыылаахтарга ааттаах-суоллаах киин үөрэх кыһаларыгар тус сыаллаах миэстэлэр туттарыллыахтара. Маны таһынан, кыттааччылары «Акселератор школьных проектов» диэн күүтэр.

Куонкурус ыччаты инновационнай технологиялар эйгэлэригэр сыһыарар уонна инники идэлэрин талалларыгар көмөлөһөр сыаллаах.  7 кылаастан үөһэ оскуола үөрэнээччилэрэ, орто уонна үрдүк үөрэх кыһаларын устудьуоннара кыттыыны ылаллар.

Саҥа үйэҕэ үөрэх бырагырааматын ыытарга, кыттааччылар ахсааннарын элбэтэргэ уонна ыырын кэҥэтэргэ, үлэлии сылдьар исписэлиистэр болҕомтолорун тардарга туһуланар. Быйыл Саха сирин бары муннуктарыттан уопсайа 1500  үөрэнээччи уонна устудьуон кыттара былааннанар.

«Мин идэм-IT» икки түһүмэххэ арахсан ыытыллар: муниципальнай сүүмэрдиир түһүмэхтэр (IT бырайыактары оҥоруу марафона) уонна финальнай. Ону сэргэ Бэрэсидьиэн граннарын пуондатын көмөтүнэн үөрэх семинардара ыытыллаллар. 

Бастакы улахан сүүмэрдиир түһүмэх кулун тутар 2-4 күннэригэр Таатта улууһун Ытык Күөл сэлиэнньэтигэр буолан ааста.

Ол түмүгүнэн өрөспүүбүлүкэ муниципальнай оройуоннарыгар бастыҥ хамаандаҕа ыам ыйын саҥатыгар буолар финальнай күрэхтэһиилэргэ путевка туттарыллыаҕа. «Мин идэм — IT» кыайыылаахтарыгар дойду бастыҥ үрдүк үөрэҕин кыһатыгар тус сыаллаах миэстэ көрүөхтэрэ. Финалистар тэрээһин спонсордарыттан өйдөбүнньүк бириистэринэн наҕараадаланыахтара. Сайаапкаларгытын www.mp-it.ru диэн күрэх сайтыгар ыытаҕыт. Сиһилии info@mp-it.ru почтаҕа суруйан ыйыталаһыаххытын сөп.

Эдэр ыччат инновационнай технологияларга интэриэһэ улааттын уонна дьоҕурун сайыннардын.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...