01.03.2023 | 16:00

«Мин идэм – ИТ» күрэх Арассыыйа таһымыгар таҕыста

«Мин идэм – ИТ» күрэх Арассыыйа таһымыгар таҕыста
Ааптар: Киин Куорат
Бөлөххө киир

Олунньу 28 күнүттэн кулун тутар 16 күнүгэр диэри, «Муус устар» бэстибээл чэрчитинэн, киин куоракка «Мин идэм – ИТ» күрэх ыытыллар, быйылгы күрэххэ Арассыыйа Федерациятын бары регионнарын бэрэстэбиитэллэрэ кытталлар диэн СӨ баһылыгын уонна бырабыыталыстыбатын пресс-сулууспата иһитиннэрдэ. 

Куонкурус дойду атын субъектарыгар атылыыта суох ураты, Арассыыйа бырабыыталыстыбатын бэрэссэдээтэлэ Михаил Мишустин үрдүк сыанабылын ылбыт тэрээһининэн буолар. Кини сорудаҕынан күрэх саҥа, Бүтүн Арассыыйатааҕы таһымҥа таҕыста.

«2022 сыллаахха Арассыыйа бэрэсидьиэнэ Владимир Путин 2030 сылга диэри дойду сайдыытын национальнай сыалларын туһунан ыйаахха илии баттаабыта. Ыйаах биир сүрүн пуунунан оҕо уонна ыччат дьоҕурун сайыннарыыга, идэни талыыга туһуламмыт хайысханан өйөбүл систиэмэтин оҥоруу этэ. «Мин идэм – ИТ» күрэх курдуктар итиннэ төһүү күүһүнэн буолаллар», — диир Айсен Николаев. Ил Дархан бэлиэтээбитинэн, куонкурус сэттэ сыл тухары ИТ-эйгэ сайдыытын көҕүлээччитинэн буолла.

Тэрээһиҥҥэ 7-11 кылаас үөрэнээччилэрэ, итиэннэ орто уонна үрдүк үөрэх кыһаларын устудьуоннара кытталлар. Хамаандаҕа үстүү киһи киирэр – менеджер, дизайнер уонна оҥорон таһаарааччы. Бэриллибит тиэмэнэн саҥа бырайыактар оҥоһуллаллар, партнердар, экспертэр уонна ыҥырыылаах ыалдьыттар санаа атастаһаллар.

Куонкурус сүрүн сыала — ыччат идэни таларыгар көмөлөһүү уонна көҕүлээһинин өйөөһүн.

2016 сыллаахха ыытыллыбыт бастакы күрэххэ «Үөрэнээччилэр» уонна «Устудьуоннар» хайысхаларынан 42 кыттааччы баар эбит буоллаҕына, 2022 сылга кыттааччы ахсаана – биэс тыһыынчаттан тахса. Быйылгы күрэххэ уонча тыһыынча үөрэнээччи уонна устудьуон кыттар.

Тэрээһин РФ Цифровой үөрэхтээһинин уонна Үөрэҕириигэ министиэристибэлэрин өйөбүллэринэн ыытыллар.

Сонуннар

Ордук ааҕаллар

Үгэскэ киирбит “Байанай күрэҕэ-2023”
Сонуннар | 18.03.2023 | 20:12
Үгэскэ киирбит “Байанай күрэҕэ-2023”
Төрүт өбүгэбит удьуорун төрдүн ытык ситимин тутаммыт, сардаҥалаах сырдык санаанан салайтаран, өбүгэлэрбит өйүө гынан хаалларбыт үтүөкэн үгэстэрин инники күөҥҥэ тутан, кыһарҕаннаах олохтоох кырыа кыһын кыйданыыта Хатаспытыгар 9-с төгүлүн “Байанай күрэҕин” ыыттыбыт.
Бэйэҕиттэн эрэ тутулуктаах
Сынньалаңңа | 17.03.2023 | 21:00
Бэйэҕиттэн эрэ тутулуктаах
Балаҕан ыйын ортото. Үөрэх маҥнайгы нэдиэлэтэ. Алтыс кылаас үөрэнээччитэ Айыына соччо баҕата суох аа-дьуо кылааһын диэки баран истэ. Сайыҥҥы сынньалаҥтан ситэ тэйэ илик оҕолор сүүрүү-көтүү, мэниктээһин кытаанаҕа.
Каролина Парфенова:  Чопчу Мандары оҥорор сыал суох этэ
Дьон | 18.03.2023 | 14:00
Каролина Парфенова: Чопчу Мандары оҥорор сыал суох этэ
Өрөспүүбүлүкэҕэ биир бастакынан сахалыы куукула оҥоруутунан дьарыктаммыт туспа суоллаах-иистээх ​Каролина Парфенова куукула нөҥүө бэйэм омугум дьүһүнүн, омук быһыытынан таҥаһын-сабын уратытын көрдөрөбүн диэн санаалаах.
Ый сырдыгар ыллык
Сынньалаңңа | 18.03.2023 | 21:00
Ый сырдыгар ыллык
Толору ый тулалыыр айылҕаны барытын алыптаах дьикти сырдыгынан толорор, туох эрэ ыраас, нарын иэйиинэн угуттуур. Биэс-алта саастаах уоллаах кыыс күп-күөх окко сытан, сулустары одуулаһаллар.