27.01.2022 | 16:00

Медколледж устудьуоннара – коронавируһу кытта охсуһууга

Медколледж устудьуоннара – коронавируһу кытта охсуһууга
Ааптар: Киин Куорат
Бөлөххө киир

Өрөспүүбүлүкэтээҕи доруобуйа харыстабылын тэрилтэлэригэр Дьокуускайдааҕы медицинскэй колледж 300-тэн тахса устудьуона коронавирус дьаҥын кытта охсуһууга көмөҕө кэллилэр. Кинилэр колл-кииннэргэ, поликлиникаларга уонна лабораторияларга үлэлииллэр. Бу туһунан регион үөрэҕириигэ Министиэристибэтин пресс-сулууспата иһитиннэрдэ. 
Медколледж дириэктэрин солбуйааччы Анастасия Степанова кэпсээбитинэн, устудьуоннар доруобуйа харыстабылын тэрилтэлэригэр: поликлиникаларга, стационардарга, оройуоннар киин балыыһаларыгар волонтер быһыытынан үлэлэһэллэр. Кинилэр колл-кииннэргэ, регистратураларга, лабораторияларга уонна аэропортарга кытта көмөлөһөллөр.
«Сорох устудьуоннар, бэйэлэрин доруобуйаларын толук ууран туран, “кыһыл зонаҕа” үлэлиир быраастарга көмөлөһөллөр. Кинилэр коронавирус тарҕаныытын кытта охсуһууга кылааттарын киллэрэллэрин таһынан идэтийиилэрин сайыннараллар. Устудьуоннар сарсыардаттан киэһээҥҥи диэри  быраастары кытта тэҥҥэ үлэлииллэр. Ол иһин салайааччылар кинилэргэ хамнас төлүүр туһунан боппуруоһу көрөллөрө буоллар», – диэтэ Анастасия Степанова.
СӨ үөрэҕириигэ уонна наукаҕа миниистирин бастакы солбуйааччы Михаил Присяжный бэлиэтээбитинэн, медик-волонтерунан үлэттэн  медицинаҕа карьера саҕаланыан сөп.
«Мин санаабынан медик устудьуоннарга быраактыканы кытта билсиһии үчүгэй буолуоҕа. Үчүгэй быраас буолар, кыһалҕалаах дьоҥҥо көмөлөһөр курдук волонтерынан саҕалыыр наадалаах. Хас биирдии волонтер устудьуоҥҥа махталбын биллэриэхпин уонна идэҕитин сөпкө саҕалаан эрэҕит диэн бэлиэтиэхпин баҕарабын. Олох быраактыкатыгар кинилэр уопуттаах настаабынньыктары кытта үлэлээн идэтийэллэрэ ураты суолталаах», – диэтэ миниистир солбуйааччыта. 
Итини таһынан, үөрэҕириигэ уонна наукаҕа миниистир Ирина Любимова бирикээһинэн биэдэмистибэ тэрилтэлэрин бары системнай администратордара колл-кииннэргэ үлэлэһэллэр. Маны сэргэ доруобуйа харыстабылын тэрилтэлэрэ наадалаах малы, тиэхиньикэни уонна тырааныспары ылыахтара.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...