Мэҥэ Хаҥаласка Т-34 таанка турда

Аллараа Бэстээххэ сахаттан бастакы Сэбиэскэй Сойуус дьоруойа Федор Кузьмич Попов аатынан таанка холобурун туруордулар. Тимиртэн оҥоһуллубут Т-34 таанка Кыайыы болуоссатыгар турда уонна  мемориальнай комплекс биир сүрүн чааһа буолла.

Мэҥэ уустара бу таанканы икки нэдиэлэ оҥорбуттар. Бастатан туран, хордуонтан макет оҥорбуттар, ол кэннэ тимир илиистэри холбуу сыбааркалаабыттар. Бу таанка Улуу Кыайыы 75 сылыгар ананар уонна саха буойуннарын сырдык ааттарын кэриэстиир, диэн Аллараа Бэстээх баһылыга Юрий Колмаков бэлиэтиир. Кини этэринэн, Илин Эҥэртэн бэрт элбэх киһи сэрииттэн төннүбэтэх. Кинилэр кэриэстэригэр таанка оҥорон туруорбуттарын эттэ.