Мархалары үрэхтэрин дьылҕата долгутар
![Мархалары үрэхтэрин дьылҕата долгутар](https://kiinkuorat.ru/wp-content/uploads/2023/02/HkEwRzNcB7.jpg)
Марха бөһүөлэгин олохтоохторо баһылык Евгений Григорьев иннигэр септик кыһалҕаларын, уулусса-суол ситимин өрөмүөнүн, тимир суол тутуутун кытта ситимнээх сир учаастактарын тыырыы, үрэҕи киртитии о.д.а. ыйытыылары туруордулар.
2022 сылга Мархинская, Березовая уулусса Олег Кошевой уулуссатыттан балыыһаҕа диэри кэрчигэр суол өрөмүөнэ ыытыллыбыт. 2023 сылга Можайскай уулуссатын түөрт балаһаҕа диэри кэҥэтии үлэтэ саҕаланыахтаах, “Севернай” кыбаартал суоллара тутуллуохтаах.
Газовиктар уулуссаларыгар спорт балаһааккалара турбуттар, «Дачная Марха» сылаас тохтобул үлэлин саҕалаабыт.
Өрөспүүбүлүкэтээҕи бырагырааманан 8 кыбартыыраттан 22 киһи саҥа дьиэҕэ көспүт, 2023 сылга 68 кыбартыыраны көһөрөр сорук турар.
1 №-дээх оскуола өрөмүөнэ ыытыллыбыт, быйыл 81 №-дээх «Солнышко» оҕо саадын өрөмүөнэ былааҥҥа турар.
Социальнай гаастааһын иитинэн «Северный» дьоҕус оройуоҥҥа 1310 учаастак хабыллыбыт, «Водоканал» АУо кыттыылаах СМУ-16 модульнай уу сүөкүүр ыстаансыйа үлэҕэ киирбит.
2023 сылга Ярославскай уулуссатыгар уот линиятын, Белай озеро оройуонугар уу систиэмэтин тардыы, Маҕан трагын 1-3 дьиэлэрин тиэргэннэрин тупсарыы үлэлэрэ былааннаналлар.
Олохтоохтортон хаарбах дьиэттэн көһөрүү болдьоҕор, саҥа спорткомплекс таһыгар сылаас тохтобулу туруорууга, тиэргэннэри тупсарыыга, «Берёзка» библиотеканы урукку сиригэр Кирзаводка көһөрүүгэ, «Чэчир» култуура дьиэтэ тымныытыгар сыһыаннаах ыйытыылар киирдилэр.
Кыһын септик тоҥоро – мас дьиэлээх дьон сүрүн кыһалҕалара. «Жилкомсервис» МУТ дириэктэрэ Юрий Спиридонов иһитиннэрбитинэн, быйыл алтынньы ыйга диэри эргэрбит канализация ситимнэрин саҥардар уонна «спутник”тары холбуур сорук турарын эттэ.
«Хаарбах дьиэттэн көһөрүү уочараттаах түһүмэҕэ саҕаланыар диэри эргэ дьиэлэргэ итинник эрэ көмөлөһөр кыахтаахпыт», - диэн эбэн этэр Евгений Григорьев.
Мархалары долгутар биир боппуруос – тимир суол тутуута уонна ону кытта ситимнээх Мархинка үрэх киртийиитэ. Оттон Студенческая уулусса олохтоохторо Дьокуускай киинигэр эмиэ итинник ааттаах уулусса баарынан аатын уларытыахтарын, ону сэргэ өрөмүөн, сырдатыы боппуруостарын туруорустулар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)