02.12.2022 | 13:00

Маастардар кэккэлэрэ кэҥиир

Маастардар кэккэлэрэ кэҥиир
Ааптар: Баһылай ПОСЕЛЬСКАЙ
Бөлөххө киир

Ханна эрчимнээх үлэ, утумнаах дьарык барар сиригэр киһини сэргэхситэр көрдөрүүлэр баар буолаллар. Аҕыйах сыллааҕыта Р.М. Дмитриев аатынан Олимпийскай эрэл училищетыгар баазаланан хат сөргүтүллэн тэриллибит греко-римскэй (классическай) тустуу көрдөрүүлэрэ күрэхтэһииттэн күрэхтэһиилэргэ эбиллэн иһэллэр. 

Матвей Матвеев сүрүн тренердээх эдэр бөҕөстөрбүт классическай тустууга кэккэ ситиһиилэринэн үөрдэллэр. РФ биэс спордун маастара баар буолла. Федерация вице-бэрэсидьиэнэ Дмитрий Румович Ушницкай ылсыбыта уонна Олимпийскай оонньуулар үс төгүллээх чөмпүйүөнэ Александр Карелин кэлэн алҕаабыта. Икки төгүллээх Олимпийскай чөмпүйүөн Роман Власов Дьокуускайга кэллэҕинэ хайаан да таарыйан, маастар-кылаас көрдөрөр. Онон биллэ-көстө хамсааһын, сэргэхсийии тахсар.

Сэтинньи 12-13 күннэригэр Барнаулга маастар нуормалаах РФ үтүөлээх тренерэ А.А. Кишицкэй Бүтүн Арассыыйатааҕы улахан дьон турнирдарыгар Амма ыччата Федор Устинов 60 кг үрүҥ көмүс мэтээллэнэн, Арассыыйа спордун  маастарыгар кандидат нуорматын толордо. Бастакы тренерэ – Кирилл Иннокентьевич Павлов. Былырыын кандидаты толорбут Алдан Хатыыстыырыттан Родион Степанов 55 кг уонна  Дьааҥы толуу ыччата Андрей Слепцов 130 кг кандидаты толорон, боруонса мэтээллэргэ тигистилэр.

Сэтинньи 17-19 күннэригэр Омскайга РФ үтүөлээх тренерэ Ю.А. Крикуха Бүтүн Арассыыйатааҕы турнирыттан Федор Устинов 60 кг кыһыл көмүс мэтээли ылан, маастар нуорматын толордо. Андрей Слепцов 130 кг боруонса мэтээллэннэ.

Сэтинньи 25-26 күннэригэр Владивостокка түмүктэммит Уһук Илин чемпионатыгар  уолаттарбыт ситиһиилэрин өссө лаппыйан биэрдилэр. Федор Устинов 63 кг бастакы миэстэни ылан, маастарын нуорматын чиҥэттэ. Артур Константинов (Амма) иккис, 60 кг Эбээн-Бытантайтан Семен Стручков үһүс, Мэҥэ Хаҥаластан бырааттыы “классиктар” 72 кг Владислав Павлов уонна Сергей Павлов эмиэ иккис-үһүс бириистээх миэстэлэннилэр.  Семен Стручков уонна Владислав Павлов маастарга кандидат нуормаларын толордулар. Бастакы тренердэрэ – Иван Романович Филиппов.

Турнирдарга кыттан кэлиилэри Дмитрий Румович Ушницкай вице-бэрэсидьиэннээх Саха Өрөспүүбүлүкэтин спортивнай тустууга федерацията, Варвара Николаевна Погодаева быраатыгар Андрей Слепцовка өрүү көмөлөһөр, өйүүр, Саина Витальевна Матвеева дириэктэрдээх  “Атлетикс” спортивнай маҕаһыын, Иван Заровняев дириэктэрдээх “Солобуода” атыы-эргиэн дьиэтэ,  Эбээн-Бытантай улууһун дьаһалтата, Олимпийскай эрэл училищета, төрөппүттэр үбүлээн улаханнык көмөлөспүттэригэр тренердэр махталларын биллэрэллэр. 

Улуустартан кэлбит классик-тустууктар Матвей Матвеев уонна Рустам Аджи салайааччылардаах тренердэр илиилэригэр киирэллэр. Саха сиригэр классическай тустууга спорт маастара үрдүк ааты Булуҥтан Иван Шамаев, Артур Константинов, Александр Андреев, Сергей Павлов илдьэ сылдьаллар уонна бэһис спорт маастарынан Федор Устинов буолла.

Эдэр бөҕөстөр маастар буола үүнүүлэрэ – айымньылаах, утумнаах үлэ түмүгэ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...