10.05.2021 | 09:21

«Лже-кафелары» уонна «наливайкалары» утары охсуһуу салҕанар

«Лже-кафелары» уонна «наливайкалары» утары охсуһуу салҕанар
Ааптар: Розалия Томская

Предпринимательство департаменын дааннайынан, Дьокуускайга билигин 70-ча “лже-кафе” уонна “наливайкалар” үлэлии тураллар.

Сыл саҕаланыаҕыттан Дьокуускай дьаһалтата, полиция уонна нолуогабай сулууспа бэрэстэбиитэллэрин кытта, 20-чэ маннык аһыы утаҕы кутар сири бэрэбиэркэлээтэ.  Ол түмүгэр 7 административнай буруйу оҥоруу туһунан боротокуол толорулунна. Петровскай уул., 21/2, маҕаһыыныгар салҕааһын быһыытынан сокуоннайа суох тутууну көтүрэргэ исковой сайабылыанньа суукка барда. Кальвица уул. 5к, аадырыска үлэлии турбут бары кытта сир куортамын дуогабара көтүрүлүннэ, бас билээччи үс ый иһигэр бу сиртэн барыахтаах.

Муус устар 29 күнүгэр баһылык Евгений Григорьев Биэдэмистибэлэр икки ардыларынааҕы хамыыһыйаларын кытта Дьокуускай сиригэр-уотугар препринимательствоҕа сокуону тутуһуу тула мунньаҕы ыытта. Мунньахха СӨ Предпринимательствоҕа миниистирин солбуйааччы Максим Прокопьев, антимонопольнай сулууспа, нолуогабай, ИДьМ бэрэстэбиитэллэрэ, олохтоох дьаһалта салаалара кытыннылар.

171 нүөмэрдээх Федеральнай сокуоҥҥа (22.11.1995) кэнники киирбит уларыйыыларга олоҕуран, олохтоох былаастар элбэх кыбартыыралаах дьиэлэргэ уонна чугаһынан сиргэ баар маҕаһыыннарга арыгы атыытын олоччу бобор бырааптаахтар.

Билигин маныаха сыһыаннаах сокуоҥҥа уларытыылары Ил Түмэн тустаах кэмитиэтэ көрө сылдьар. Боппуруоһу бу ыам ыйыгар дьүүллэһиэхтээхтэр.

Мунньахха баһылык Евгений Григорьев бэлиэтээн эппитинэн, олохтоохтортон үксүн элбэх кыбартыыралаах дьиэлэргэ баар “лже-кафеларга” үҥсүүлэр киирэллэр.

“Биһиги билигин кытаанах позицияны тутуһуохтаахпыт, тоҕо диэтэххэ, саамай сүрүнэ олохтоохторбут интэриэстэрин өрө тутабыт. Билиҥҥи кэмҥэ элбэх кыбартыыралаах дьиэлэргэ “лже-кафелар”  үлэлииллэрин туһунан үҥсүүлэр үгүстүк киирэллэр. Биһиги сыалбыт – дьон олорор дьиэтигэр “лже-кафелары” уонна “наливайкалары” суох оҥорон, арыгы атыытын тохтотуохтаахпыт”, – диэтэ Евгений Григорьев.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.