Лимонады оҥоруохха

Лимонтан

- 350 г саахар;

- 2 л уу;

- 350 мл лимон сүмэһинэ.

Саахары 250 мл уулаах көстүрүүлэҕэ кутан, суураллыар диэри кыра уокка сылытаҕыт.

Сойбутун кэннэ лимон сүмэһинин, ууну эбэҕит уонна холодильникка тымнытаҕыт.

Апельсинтан

3 апельсин;

1 лимон;

100 г саахар;

1½ л уу.

Цитрустар сүмэһиннэрин ыган ылабыт, цедраларын ыраастыыбыт. Барытын саахардаах ууга кутан оргутабыт, оргуйбутун кэннэ 5-10 мүнүүтэ тэптэрэбит.

Сироппутун сиидэлиибит, сойутан баран апельсин уонна лимон сүмэһиннэрин кутан холодильникка сойутабыт.

Клубникаттан

420 г убаҕас мүөт;

1 700 мл уу;

450 г клубника;

350 мл лимон сүмэһинэ;

Муус кубиктар.

Мүөппүтүгэр 500 мл ууну эбэн булкуйабыт. Клубниканы мүөттээх ууга кутан блендердиибит. Лимон сүмэһинин эбэбит. Иһэрбитигэр муус кубиктары кутабыт.

Оҕурсуттан

1 бөдөҥ оҕурсу;

280 мл лимон сүмэһинэ;

170 г убаҕас мүөт;

500 мл уу;

800 мл гаастаах уу.

Оҕурсубутун төгүрүктүү кырбыыбыт. Онтон лимон сүмэһинин, мүөтү уонна ууну кытта блендердиибит. Сиидэлээн баран гаастаах ууну кытта булкуйабыт.

Грушаттан

1 кг груша;

100 мл лимон сүмэһинэ;

2½ л уу;

Мята;

Мүөт;

1½ л гаастаах уу.

Грушаны хахтаан баран устатынан быһан сиэмэлэрин ыраастыыбыт. Лимон аҥаарын сүмэһинин үрдүгэр ыган баран көстүрүүлэҕэ угаттыыбыт.

Ууну эбэн оргута уурабыт. Мятаны эбэбит. 40-ча мүнүүтэ тэптэрэбит.

Мятаны хостоон быраҕабыт. Грушаларын эмиэ хостоон ылабыт. Лимонадпытыгар мүөтү эбэбит уонна тымныыга уурабыт.