Ленин проспегынан сырыыны сэтинньи бүтэһигэр аһыахтара
«Главстрой» МХТ информациятынан, суолу арыйыы барыллаан болдьоҕо – 2022 сыл сэтинньи ыйын бүтэһигэ.
Ленин проспегын Кулаковскай уулуссатыттан Дзержинскэй уулуссатыгар диэри учаастагар, бүгүҥҥү күҥҥэ, таһынааҕы сырдатыы ситимин таҥыы, светофор эбийиэктэрин уонна суол бэлиэлэрин туруоруу үлэтэ барар. Бэдэрээтчит «Дорстрой» ХЭТ тротуар бүрүөһүнүн оҥорон бүтэрэн эрэр.
Кэлэр сылга аччыгый архитектурнай пуормалар, оптуобус павильоннара туруоруллуохтара, көҕөрдүү үлэтэ уонна болуоссат эбийиэктэрин оҥоруу ыытыллыаҕа.
Быйыл сырдатыы уонна светофор эбийиэктэрин ситимнэрэ быстах кэмҥэ саҥа тирээбиллэргэ ыйаныахтара. Сир аннынан ааһар хаабыл иккис түһүмэх учаастактар (Кулаковскай – Краснояров, Хабаров – Дзержинскэй) тутуулара бүттэҕинэ оҥоһуллар.
Манна даҕатан эттэххэ, Ленин проспегын Хабаров уулуссатыттан Краснояров уулуссатыгар диэри учаастагар хапытаалынай өрөмүөнэ, хантыраак быһыытынан, 2023 сыл бүтэһигэр түмүктэниэҕэ.
Сонуннар
Ордук ааҕаллар
