Ленин проспегын тротуарын шампуннаах уунан сууйаллар

Ааспыт нэдиэлэттэн киин куорат сорох тротуарын шампуннаах уунан сууйан саҕалаатыбыт, диэн иһитиннэрэр Куорат хаһаайыстыбатын салайар сулууспа. 
Сулууспа салайааччытын солбуйааччы Светлана Чусовская бэлиэтииринэн, маннык быраактыка Саха сиригэр аан бастаан туттуллар. 
Сууйуу түүҥҥү бириэмэҕэ, ол эбэтэр киэһэ 20.00 ч кэнниттэн ыытыллар эбит, сарсыарда дьон үлэлэригэр ыраас уулуссанан хаамтыннар диэн. «Шампунннаах уунан ото суох учаастактары эрэ сууйтарабыт, холобура, билигин Курашов уулуссатыттан Аммосов уулуссатыгар диэри учаастагы», - диир Светлана Чусовская.
СЭГХ маннык быраактыканы сотору кэминэн атын учаастактарга эмиэ киллэрэр былааннаах.