Ленин проспега: Итэҕэстэр туоратыллыахтара

«Главстрой» МКУ иһитиннэриитинэн, Ленин проспегын хапытаалынай өрөмүөнүгэр бүгүҥҥү күҥҥэ технологияны кэһии 7 түбэлтэтэ бэлиэтэммит. 
Ол курдук, хапытаалынай өрөмүөн иитинэн канализация дьаамалара ууруллубуттар. Холуодьастары уурууга тахсыбыт кэһиилэри бэдээрээттээх тэрилтэ бэйэтин суотугар туоратар. 
«Главстрой» МКУ суол тутуутугар салаатын тэхиньиичэскэй хонтуруолга салаатын сүрүн исписэлииһэ Денис Стецюк быһаарбытынан, суол саҥа таҥаһын ууруу дьайыытын кэтээн көрөр кыаҕы биэрэр термометрическай коса күһүн хойут ууруллан, аспаалы кутуу кыаллыбатах.
«Ленин проспегын хапытаалынай өрөмүөнүн ыытыыга аспаал кырааската, хайдыы, иҥнэйии, тоҕо охсуллуу, олоруу о.а.д. курдук итэҕэстэри бэдэрээтчит бэйэтин суотугар көннөрөр. Суол таҥаһын олоҕун гарантията – 8 сыл, аспаал – 5 сыл», - диэн бэлиэтиир Денис Стецюк.
Ыам ыйыгар, халлаан сылыйдаҕына, суол таҥҥаһыгар өссө биир чинчийии ыытыллаары турар. Ол түмүгүнэн көстүбүт итэҕэстэр бэс-от ыйдарыгар туоратыллыахтара.