Ленин проспега: хапытаалынай өрөмүөн сүрүн соруктара
![Ленин проспега: хапытаалынай өрөмүөн сүрүн соруктара](https://kiinkuorat.ru/wp-content/uploads/2021/04/6qCNGomPgl.jpg)
Бүгүн Дьокуускай куорат баһылыга Евгений Григорьев сүрүн соруктары туруорар мунньаҕы иилээн-саҕалаан ыытта.
«Главстрой» муниципальнай хааһына тэрилтэтэ иһитиннэрбитинэн, бырайыак докумуоннарын судаарыстыбаннай экспертиза бастакы түһүмэҕэ түмүктэннэ.
Евгений Николаевич Кулаковскай уонна Киров уулуссаларын учаастагар үлэ ыытыллар кэмигэр сатыы дьон харгыстары көрсүө суохтаахтар.
“Бэдэрээтчит биллиэн иннинэ бытархай үлэлэри толоруохтаахпыт. Уот линияларын көһөрүөхпүтүн, светофордар эрэсиимнэрин уларытыахпытын наада. Ороскуот барыта хантараакка учуоттаныахтаах. Ленин проспегын хапытаалынай өрөмүөнэ Кулаковскай уулуссатыттан саҕаланар”, – диэтэ куорат баһылыга.
Маны таһынан, уу сүүрэр систиэмэтин, көҕөрдүү боппуруостара көрүлүннүлэр.
Евгений Григорьев олордуллубут мас иинэн-хатан, өлөн хаалбакка, үүнүөхтээх, силигилиэхтээх диэтэ. Көҕөрдүү үлэтэ туспа хантараагынан ыытыллыахтааҕын тоһоҕолоон эттэ. “Бэдэрээтчиттэргэ үлэ түмүгүнэн, мастар үүнэр буоллахтарына төлүүр курдук дьаһаныахтаахпыт”, – диэтэ.
Баһылык М.К. Аммосов аатынан ХИФУ Ботаническай саадын специалистарыгар Ленин проспегын көҕөрдүүгэ сүбэлэрин этэллэригэр көрдөстө.
Суол үлэтин уонна уопсастыбаннай эйгэлэри тупсарыы салаатын начаалынньыга Николай Старостин уопсастыбаннай тырааныспар сырыытын схемата оҥоһуллубутун кэпсээтэ. Кини эппитинэн, оптуобустар сэргэстэһэ сытар Лермонтов, Поярков, Ярославскай уонна Орджоникидзе уулуссаларынан сылдьар буолуохтара.
Бэлиэтээн эттэххэ, үлэ икки түһүмэҕинэн ыытыллыаҕа. Бастакыта Саха АССР 100 сылын көрсө – 2022 сыл балаҕан ыйыгар, оттон иккиһэ 2023 сыл алтынньы 31 түмүктэнэрэ былааннанар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)