16.02.2022 | 12:30

Ленин болуоссатын хапытаалынай өрөмүөнэ салҕанар

Ленин болуоссатын хапытаалынай өрөмүөнэ салҕанар
Ааптар: Киин Куорат
Бөлөххө киир

Олунньу 15 күнүттэн Ленин болуоссатын хапытаалынай өрөмүөнүн бастакы түһүмэҕин үлэтэ сөргүтүлүннэ. Суол үлэтэ  Орджоникидзе уулуссатыттан Курашов уулуссатыгар диэри учаастакка саҕаланна. Ол туһунан Олохтоох дьаһалта пресс-сулууспатыгар сакаасчыт «Главстрой» МХТ иһиттиннэрдэ. 
Генеральнай бэдэрээтчит «Дорстрой» ХЭТ суббэдэрээтчит «Кинг-95» бэлэмнэнии үлэтин саҕалаатылар, ол курдук, эргэ аспаал-бетон бүрүөһүнүн фрезеровкалыыллар, суол тыраассатын сүнньүн бөҕөргөтөллөр, коммуникациялары уларыталлар. Сири таҥастааһын бэлэмнэнии үлэ түмүктэммитин кэннэ саҕаланыаҕа диэн «Главстрой» МХТ үлэһиттэрэ чопчулаан эттилэр. 
Сири таҥастааһын сүрүн үлэтэ ыам ыйын бүтүөр диэри түмүктэниэхтээх. Бэс ыйыттан бэдэрээтчит территорияны тупсарыыны, сырдатыы тирээбиллэрин туруорууну, кабельнай ситими тардыыны, ууну сүүрдэр тэриллэри оҥорууну саҕалыаҕа. Уулуссаны аспааллааһын от ыйыгар былааннаммыт. 
Олунньу 15 күнүттэн икки учаастакка тэҥҥэ өрөмүөн ыытылларынан сибээстээн, Орджоникидзе уулуссатыттан Курашов уулуссатыгар диэри уонна Октябрьскай уулуссатыттан «Илин Эҥэр» маҕаһыыҥҥа диэри тырааныспар сырыытыгар хааччахтааһын киирдэ. Оптуобустар оҥоһуллубут схемаҕа олоҕуран сылдьаллар. 
Ленин проспегын Кулаковскай уулуссатыттан Орджоникидзе болуоссатыгар диэри хапытаалынай өрөмүөнэ алтынньы ый бүтүөр диэри түмүктэниэхтээх.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...