09.08.2021 | 12:00

Үлэ хаамыытын олохтоохтор биһирииллэр

Үлэ хаамыытын олохтоохтор биһирииллэр
Ааптар: Киин Куорат
Бөлөххө киир

От ыйын 22 күнүгэр Дьокуускай куорат баһылыга Евгений Григорьев куорат уокуругар элбэх кыбартыыралаах дьиэлэр тэлгэһэлэрин тупсарыыга, тутууга, үлэ хаамыытын бэрэбиэркэлээтэ.

ОЛОХТООХТОР ХОНТУРУОЛЛАРА КҮҮСТЭЭХ

Баһылык бастакы пуунунан Лермонтов уулуссатыгар 23/2 уонна 23/3 дьиэлэр тэлгэһэлэрин дьиэлэрин кэрийэн көрдө. Бу эбийиэктэргэ  эргэ оҕо балаһааккатын  тутар-таҥар үлэлэр түмүктэннилэр. МКУ «Главстрой» иһитиннэриитинэн, билигин тутар-монтажтыыр үлэлэр ыытыллаллар, ону сэргэ суолу-ииһи, паркалары аспааллааһын үлэлэр ыытыллаллар. Санатан эттэххэ, бу эбийиэккэ бэдэрээтчитинэн ХЭТ «Сахатрансстрой» үлэлиир. Бэдэрээтчит от ыйыгар 13 мөл. солк. тахса суумалаах үлэни балаҕан ыйын бүтүүтэ түмүктүүр.

Дьиэлэр олохтоохторо бэлиэтээбиттэринэн, 1975 сылтан кинилэр тэлгэһэлэрин территориятыгар маннык киэҥ хабааннаах үлэлэр хаһан да ыытыллыбатахтар.

«Биһиги дьиэбитигэр-уоппутугар болҕомто ууруллубутугар олус үөрдүбүт. Бэдэрээтчиттэр түргэн туттуулаах оробуочайдар эбит, олус кыһамньылаахтык үлэлииллэр. Сарсыарда эрдэ саҕалыыллар уонна киэһэ хойут үлэлээн бүтэллэр, бөхтөрүн-сыыстарын мэлдьи хомуйаллар. Олохтоохтор тутуу үлэтин ыытыыга интэриэстээхтэр, онон биһиги өттүбүтүттэн бэйэбит ураты хонтуруолбут оҥоһуллар», - диэн Лермонтов уулуссатын 23/2 уонна 23/3 дьиэлэр олохтоохторо Наталья Шатунова уонна Екатерина Емелина санааларын үллэһиннилэр. 

ДЬОН ОЛОРОРУГАР ТУПСАҔАЙ
БУОЛУОХТААХ

Бэрэбиэркэ иккис көрүҥүнэн Петр Алексеев аатынан уулусса 7/2 дьиэтин тэлгэһэтэ буолла. Манна үлэ былааныттан 50% оҥоһуллубут. Ол курдук эргэ балаһаакканы тупсаран, саҥардан биэрдилэр, сатыы дьон хаамар тротуардарын уурбуттар, оҕо уонна спортивнай балаһаакка тупсарыыта, бытовой тобохтору хомуйуу, кыра архитектурнай халыыбтары туруоруу үлэлэрэ ыытыллыбыттар. Бэдэрээтчит тэрилтэнэн эмиэ ХЭТ «Сахатрансстрой» оҥорор. Муниципальнай контракт ыам ыйын бүтүүтэ 13 мөл. солк. тахса суумаҕа түһэриллибит.

 

ҮЛЭ СУОБАСТААХТЫК ОҤОҺУЛЛАР

Куорат уокуругун тиэргэнигэр тутуу- монтажтыыр үлэлэр мониторинг кэнниттэн куорат баһылыга Евгений Григорьев куорат олохтоохторо үлэни сыаналыыр уонна үлэ хаамыытын туһунан хайҕыыр буоллахтарына, үлэ былаан быһыытынан ыытылларын уонна графигынан толоруллалларын бэлиэтээтэ.

ОЛОХТООХТОР САНААЛАРА УЧУОТТАНАР,
ОЛ ИННИТТЭН...

«Эбийиэктэри бэрэбиэркэлээһин кэмигэр, ууну ыраастыыр үлэлэргэ булгуччулаахтык толорууга хонтуруол барар. Ол курдук кыбаартал иһинээҕи уу лотоктарын магистральнай лотоктары кытта сибээстээхтэр. Уу ааһар лотоктарыгар ардах уута кутуллубатын туһугар, дьиэ-уот  бырайыактарын  кытта ыкса сибээскэ тирэҕирэллэр. Үлэ хаачыстыбалаах, тупсаҕай, баараҕай буоларыгар куорат олохтоохторун баҕа санаалара барыта учуоттанар", - диэн түмүктээтэ куорат баһылыга Евгений Григорьев.

 

Бэлиэтээн эттэххэ, быйылгы сылга Саха өрөспүүбүлүкэтин Ил Дархана Айсен Николаев быһаарыытынан, Дьокуускай куоракка тиэргэн тупсарыытыгар  15 тиэргэн оҥоһулларыгар 150 мөлүйүөнү үбү көрбүтэ.

Дьокуускай куоракка элбэх кыбартыыралааэ дьиэлэр тэлгэһэлэрин тупсарыыга тутар-монтажтыыр үлэлэр балаҕан ыйын бүтүөр диэри барыахтара.

Сонуннар

Ордук ааҕаллар

Иван Туласынов:  Муусука дьикти алыбар куустаран
Дьон | 23.11.2023 | 14:00
Иван Туласынов: Муусука дьикти алыбар куустаран
Тапталлаах «Киин куорат» хаһыаппыт бүгүҥҥү нүөмэригэр быйылгы «Алампа» аатынан норуот бириэмийэтин «Бастыҥ  ырыа айааччы» лауреата, Саха Өрөспүүбүлүкэтин култууратын туйгуна, үтүөлээх үлэһитэ, самодеятельнай композитор, Саха Өрөспүүбүлүкэтин ырыа айааччыларын түмсүүтүн чилиэнэ, Бүлүү куорат бочуоттаах олохтооҕо Иван Туласыновы кытта кэпсэтиибин ааҕыҥ.   – Иван Иванович, үтүө күнүнэн! Быйыл бэһис сылын норуот номох оҥостубут, таптыыр...
Эргиччи талаан баар киһитэ — Карл Нутчин!
Дьон | 23.11.2023 | 21:00
Эргиччи талаан баар киһитэ — Карл Нутчин!
Бу интервьюга Карл Алексеевич тута сөбүлэспитэ, туох эрэ саамай күндүнү кытта көрсүһэр курдук – оҕо сааһа, үөрэммит сыллара, тапталлаах кэргэнэ, талан ылбыт идэтэ, олоҕо-дьаһаҕа барыта бу биһиги кылгас кэпсэтиибитигэр ахтыллан ааһар. Кини сахалыы сэмэйэ, холкута, муударайа хайдах эрэ сэбиэскэй кэм  дьиҥнээх эр киһитин, саха саарынын, биһиги аҕаларбытын санатта.   Карл Алексеевич...
«Харчы» сериал туохха үөрэтэрий?
Сонуннар | 23.11.2023 | 10:00
«Харчы» сериал туохха үөрэтэрий?
Бу күннэргэ “Саха” Национальнай көрдөрөр-иһитинэрэр хампаанньа ханаалыгар “Харчы” сериал көстө турар. Чахчы олоххо баары ойуулуур-дьүһүннүүр киинэни көрөөччү олус сэҥээрдэ. Тустаах уорганнар “Массыанньыктартан сэрэниҥ!” диэн хас муннук аайы да үөгүлээтэхтэринэ, албыннаппыт дьон ахсаана аҕыйыа суох курдук... Ол туһунан ИДьМ нэдиэлэтээҕи субуоккалара сэһэргииллэр, дьон оҕуруктаах өйдөөх массыанньыктар угаайыларыгар киирэн биэрэн, нэдиэлэҕэ холбоон...