Лаглайбыт күөх харыйачаан

Дьокуускайга саҥа дьыллааҕы харыйа сыанатын үөрэтэн көрдүбүт. Биллэн турар, таларга саамай элбэх харыйа арааһа уонна удамыр сыаналааҕа "Столичнай" ырыынакка кытай табаарыстарбытыгар баар.

Быйыл харыйа сыаната 5000 солк. саҕалаан 16000 солк. тиийэ буолбут.

Харыйаны үс көрүҥҥэ араарабыт:

– Кутуу (литые) – эрэһинэттэн, пластиктан кутуллан оҥоһуллубут, тыыннаах харыйаҕа ордук майгынныыр. Сыаната барыларыттан ыарахан: 270 см үрдүктээх – 16000 солк.

– Булкаас (смешанные) – кутуу лабаалары кытта леска лабаалар холбоммуттар. Уоттаах-күөстээх, оонньуурдаах буолуон сөп. Сыаната: 270 см – 9000 солк.

– ПВХ-тан оңоһуллубут искусственнай харыйа. Хойуу лабаалаах, хомуйарга, туруорарга судургу оңоһуулаах, хаар курдук маҥаннаах эбэтэр араас өҥнөөх уоттаах буолуон сөп. Сыаната 5000 солк. саҕаланар.

Харыйаны сыана аҥаарыгар ахсынньы 31 күнүгэр ылыахха сөп.

Тыаттан кэрдиэн баҕалаахтарга

Лаглайбыт күөх харыйаны (бэһи эбэтэр дьиҥнээх харыйаны) бэйэҕит кэрдэн ылыаххытын баҕарар буоллаххытына, "Дьокуускайдааҕы лесничествоттан" (Курашов уул., 46) көҥүл ылыахтааххыт.

Биир киһи иккиттэн элбэх маһы кэрдибэт. Лесничествоҕа пааспардаах тиийэн дуогабар түһэрсэҕит.

Маһы кэрдэн ылыы сыаната ортотунан 150 солк. Сыаната мас төһө үрдүгүттэн тутулуктаах.

Дуогабар түһэрсэн баран ыйыллыбыт сиртэн маскытын кэрдэн ылаҕыт. Барыта биир күн ситиһиллиэн сөп. Дуогабар 2-3 нэдиэлэ болдьохтоох буолар.

Билсэр төл.: 32-03-15

Тыыннаах харыйаны атыылаһыы

Тыыннаах харыйаны “Якутлесресурс” тэрилтэттэн атыылаһыахха сөп ( Кеша Алексеев уул.,  9/1).

Сыаната:

1,5 м диэри үрдүктээх харыйа – 1200 солк;

2 м диэри – 1400 солк;

2 м үрдүк – 1500 солк.

Бэс мас: 1,5 м диэри – 1000 солк;

2 м диэри – 1300 солк;

2 м үрдүк – 1600 солк.

Болбукта лабаата – 500 солк.

Атыы барыллаан ахсынньы 15 күнүттэн саҕаланыахтаах.

Дьокуускайга сыллата 2000 устуука тыыннаах харыйа атыыланар. "Якутлесресурс" үлэһиттэрэ кэпсээбиттэринэн, "табаардара" хамаҕатык атыыланан ахсынньы 25 күнүгэр олоччу бүтэр үгэстээх.

Үлэлиир эрэһиимнэрэ:

10.00 - 15.00 чч., халлаан сырдыгар. 

Санатан эттэххэ, көҥүлэ суох маһы кэрдии ыстарааба – 3-4 тыһ. солк. Айылҕаҕа оҥоһуллубут хоромньу суумата 5000 солк. таҕыстаҕына, холуобунай дьыала көбүтүллэр.