Өлүөнэ өрүһү алтынньы 25 күнүгэр диэри туораталлар
СӨ ЫБММ иһитиннэрбитинэн, халлаан күн-түүн улам тымныйан иһиититтэн уу эбийиэктэрэ мууһуран эрэллэр, үлэлиир паром ахсаана аҕыйаата.
Саха сирин Тырааныспарга министиэристибэтин дааннайдарынан, Өлүөнэ өрүһү туоруур «Дьокуускай – Аллараа Бэстээх – Дьокуускай» маршрутунан сырыы, халлаан туругуттан тутулуга суох, алтынньы 25 күнүгэр диэри салҕаныаҕа. Билиҥҥи кэмҥэ өрүһү «Саха сирин паромнара» ХЭТ 13 суудуната туоратар. Паром үлэлиир бириэмэтэ урукку – 05:00 чаастан 00:00 чааска диэри.
Муус халыҥаатаҕына паром сырыыта тохтотуллар, ол оннугар ыарахан уйуктаах буксир тахсыаҕа. Итиэннэ ледокол көмөтүнэн кыһыҥҥы туоруур суол бэлэмнэниэҕэ.
«Ытыктабыллаах суоппардар, айаҥҥытын эрдэттэн, паромунан туорааһын сабыллыан иннинэ былааннааҥ, ол иһигэр таһаҕас тиэйиитин. СӨ ЫБММ Кылаабынай управлениета, мууһунан сырыы официальнайдык арыллыан иннинэ, Өлүөнэ өрүһү уоран туорааһын кытаанахтык бобулларын туһунан санатар», — диэн СӨ ЫБММ иһитиннэрдэ.
Сезон икки ардыгар пассажирдары «Дьокуускай – Аллараа Бэстээх – Дьокуускай» маршрутунан 26 салгын уйуктаах суудуна таһыаҕа.
Сонуннар
Ордук ааҕаллар
