«Кыайыы поеһа» быыстапка-музей кэллэ
Бүгүн, балаҕан ыйын 26 күнүттэн, Аллараа Бэстээххэ «Кыайыы поеһа» көһө сылдьар быыстапка-музей кэлэн үлэтин саҕалыыр диэн Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.
Быыстапка-музей балаҕан ыйын 28 күнүттэн салгыы айанныыр. Балаҕан ыйын 30 күнүттэн алтынньы 2 күнүгэр диэри «Кыайыы поеһын» Нерюнгри куоратын олохтоохторо көрүөхтэрэ. Босхо билиэти поездпобеды.рф бырайыак сайтыгар регистрацияланан ылыахха сөп. Билиэт электроннай почтаҕа киирэр. Быыстапкаҕа 12 сааһыттан үөһээ оҕолор сылдьаллар, итинтэн кыра саастаахтар төрөппүттэрин кытта киирэллэр. 6 сааһыгар диэри оҕолору сырытыннарымаҥ диэн сүбэлииллэр.
Поездка бөлөхтөр биэстии мүнүүтэ буола-буола киирэллэр, электроннай билиэти бэрэбиэркэлээччилэргэ – «Кыайыы волонтердарыгар» көрдөрүллэр. Тэрийээччилэр быыстапкаҕа кэлээччилэри хойутаабаттарыгар көрдөһөллөр.
«Кыайыы поеһын» ыалдьыттара экскурсияны наушниктаах кэлэн мобильнай сыһыарыы нөҥүө истиэхтэрин сөп. Итини сэргэ, бырайыак сайтыгар киирдэххэ, быыстапкаҕа онлайн эрэсииминэн сылдьан көрүү баар.
Сонуннар
Ордук ааҕаллар
