Кыайыы пааркатыгар 3500 хатыҥ уонна кедр олордуллуоҕа

Сарсын, ыам ыйын 26 күнүгэр, Кыайыы пааркатыгар «Өйдөбүнньүк саада» диэн  аахсыйа чэрчитинэн 3500 хатыҥ уонна кедр мас олордуллуоҕа. 
«Өйдөбүнньүк саада» норуоттар икки ардыларынааҕы аахсыйа Арассыыйа Бэрэсидьиэнин 03.07.2020 сыл № Пр-1069 сорудаҕынан кулун тутар 18 күнүттэн бэс ыйын 22 күнүгэр диэри дойду бары регионнарыгар Аҕа дойду Улуу сэриитин кыттыылаахтарын сырдык ааттарыгар сүгүрүү быһыытынан ыытыллар. Ол курдук, Аҕа дойду сэриитигэр тыыннарын толук уурбут 27 мөлүйүөн саллааты кэриэстиир 27 мөлүйүөн мас олордуллуохтаах. 
Дьокуускайга Кыайыы пааркатыгар аахсыйа ыам ыйын 26 күнүгэр күнүс 12.00 чаастан ыытыллар, диэн СӨ экологияҕа, айылҕаны туһаныыга уонна ойуур хаһаайыстыбатыгар министиэристибэ иһитиннэрэр.