Кыайыы күнүн бырааһынньыктааҕы бырагыраамата

Киин куоракка Улуу Кыайыы 78 сылынан 70-тан тахса араас хабааннаах тэрээһин былааннанан турар. Бырааһынньыктааҕы тэрээһиннэр Кыайыы пааркатыгар уонна Кыайыы болуоссатыгар, уокуруктарынан, тиэргэннэринэн ыытыллыахтара.

Ыам ыйын 6 күнэ
«Тиэргэнинэн ыллыыбыт» Бүтүн Арассыыйатааҕы аахсыйа - бэтэрээннэр олорор дьиэлэрин олбуордарыгар кэнсиэртэр. 

Ыам ыйын 7 күнэ
12:00 ч. - «Туймаада саллаата» мемориальнай комплекска уонна саха снайперын пааматынньыгар сибэкки дьөрбөтүн ууруу (202-с мкрн);
13:00 ч. - Преображенскай кафедральнай собортан Кыайыы болуоссатыгар Георгий Победоносец чочуобунатыгар диэри кириэстээх хаамыы;
20:00 ч. -«Кыайыы чүмэчитэ» Улуу Кыайыы 78 сылыгар аналлаах Бүтүн Арассыыйатааҕы ыччат аахсыйата.

Ыам ыйын 8 күнэ
Кыайыы паарката 
10:00 ч. - Саха сириттэн барбыт буойуннарга аналлаах стелаҕа сибэкки дьөрбөтүн ууруу;
Кыайыы болуоссата
12:00 ч. - Флагштокка Кыайыы былааҕын ууруу церемонията. 
14:00 ч.
- «Кыайыы сааһа» бэтэрээннэр көрсүһүүлэрэ уонна «Саллаат куухуната» үгэс буолбут тэрээһиннэр;
- Арассыыйа аармыйатыгар сулууспалыы барааччылары үөрүүлээх быһыыга атаарыы;
- Дьокуускай куорат үҥкүү кэлэктииптэрин күүһүнэн «Кыайыы вальса» тэрээһин.
16:00 ч. - «Кыайыы сааһа!» «Туймаада» Судаарыстыбаннай ырыа ансаамбылын кэнсиэрэ.

Ыам ыйын 9 күнэ
Кыайыы болуоссата 
11:00 ч. - Кыайыыны уһансыбыттар монуменнарыгар сибэкки дьөрбөтүн ууруу;
11:30 ч. - Улуу Кыайыы 78 сылыгар аналлаах миитин;
11:45 ч. - Байыаннай парад. Дьокуускай куорат гарнизонун, быраабы араҥаччылыыр уорганнар, байыаннай-патриотическай кулууптар сулууспалаахтара, Кадеттар оскуолаларын иитиллээччилэрэ уонна куорат оскуолаларын үөрэнээччилэрэ кытталлар.
*«Үйэлээх полк» аахсыйа онлайн көрүҥүнэн аахсыйа сайтыгар ыытыллар. 
14:00 ч. - Кыайыы оһуохайа, бырааһынньыктааҕы тэрээһиннэр;
22:00 ч.- Кыайыы салюта.
Куорат бары уокуруктарыгар уонна нэһилиэктэригэр Улуу Кыайыыга аналлаах быыстапкалар, кэнсиэртэр, күрэхтэһиилэр ыытыллаллар.