"Кыайыы 50 сыла" спорт дыбарыаһыгар тэриллибит мобилизация пууна сабылынна
Олохтоох дьаһалта Физическэй култуураҕа уонна маассабай спортка управлениетын пресс-сулууспата иһитиннэрбитинэн, спорткомплекска дьарыктар сөргүтүлүннүлэр. Военком эппитинэн, хомуур чааһынай бэрээдэгинэн куорат военкоматын нөҥүө салҕанар.
«Кырдьык, Дьокуускайга хомуур пууна сабылынна. Ол эрэн, военкомат нөҥүө, хомуур чааһынай бэрээдэгинэн салҕанар. Итини сэргэ, баҕа өттүнэн барааччылары кытта үлэлиибит», - диэтэ Александр Авдонин.
Санатар буоллахха, балаҕан ыйын 21 күнүгэр Арассыыйа бэрэсидьиэнэ Владимир Путин дойдуга быстах байыаннай хомууру биллэрбитэ. Итиннэ аармыйаҕа сулууспалаабыт, уопуттаах, билиҥҥи кэмҥэ саппааска сылдьар гражданнар уонна байыаннай-учуотунай идэлээхтэр ыҥырылыннылар.
Бу иннинэ Ил Дархан Айсен Николаев өрөспүүбүлүкэҕэ быстах хомуур түмүктэнэрэ чугаһаабытын туһунан иһитиннэрбитэ.
Сонуннар
Ордук ааҕаллар
