11.12.2022 | 16:00

Кыһын Саха сириттэн саҕаланар!

Кыһын Саха сириттэн саҕаланар!
Ааптар: Наталья Кычкина
Бөлөххө киир

Маннык ааттаах бэстибээл Дьокуускайга официальнайдык  2010 сылтан ыытыллар. 2016 сыл алтынньы ыйыгар бу бэстибээл Ярославль куоракка “Лучшее событие в области популяризации событийного туризма” диэн номинацияҕа туризм салаатыгар Национальнай бириэмийэ Гран-при хаһаайына буолбута.

“Кыһын Саха сириттэн саҕаланар” бэстибээл биһиги Сахабыт сиригэр эрэ буолар уонна кыһыммытыгар, ирбэт тоҥмутугар, тыйыс тымныыбытыгар итиэннэ хоту дойду ыалдьытымсах олохтоохторугар ананар.

Бэстибээл туһунан кылгастык билиһиннэрэр буоллахха, дьиҥэр, бастакы буолбут сылын 2009 сылга сыһыараллар, манна Саха сиригэр аан бастакытын “Тоҥ балык” куонкурус ыытыллыбыта. Онтон икки сыл буолан баран “Кыһын Саха сириттэн саҕаланар” аахсыйа буолбута, онтон дьэ 2012 сылга бэстибээл киэҥ далааһыннаахтык ыытыллыбыта. Ол курдук, Хаарчааналар күрэхтэрэ, “Бриллиантовые нотки” айар күрэс, спортивнай күрэхтэһиилэр ыытыллыбыттара. Биир саамай чаҕылхай, умнуллубат түгэнинэн Улуу Устюгтан кэлбит Тымныы Моруос оҕонньор уонна тымныы баһылыга Чысхаан көрсүһүүлэрэ буолбута. Манна Чысхаан торуоскатын Арассыыйа Саҥа дьылын хаһаайыныгар биэрбитэ.

2014 сылтан бэстибээл бырагырааматыгар “Саха сирин амтана” гастрономическай куонкурус эбиллэр, маныаха дойдубут аһын-үөлүн, бүлүүдэлэрин билиһиннэрии үрдүк таһымҥа ыытыллар.

Бу бэстибээл ыытыллыаҕыттан өрөспүүбүлүкэбит Арассыыйаҕа эрэ буолбакка, аан дойдуга кытта билиннэ, элбэх айанньыт, ыалдьыт тиһигин быспакка кэлэр буолла, Сахабыт сирин култууратын, үгэстэрин өрө таһааран, билиһиннэрэн, ааппытын ааттатар биир улахан тэрээһиҥҥэ кубулуйда.

Бэстибээл 2020 сылтан пандемиянан тохтоон баран, быйыл 2022 сылга оҕолорго ананна.

Ахсынньы 1 күнүгэр үгэскэ кубулуйбут харыйа уматыыта киин куораппыт икки сүрүн болуоссатыгар үгүс элбэх дьону түмтэ. Халлаан да арыый сымнаан, оҕо аймах үөрэ-көтө харыйа тула түмүстэ. Бу күн куораппыт киинигэр эрэ буолбакка, өрөспүүбүлүкэ улуустарыгар биир кэмҥэ, биир чааска “Харыйа, умай!” диэн икки тыл этиллибитин кэннэ күүтүүлээх бырааһынньыкпыт мааны маһын уоттара сандаарыччы умайдылар.

Вера Петровна:

– Мин быйыл куоракка көһөн кэлбитим. Биһиги улуус киинигэр буолбакка, кытыы дэриэбинэҕэ олорор буоламмыт, таһырдьа харыйа туруорбаттар, кулууп эрэ иннигэр хаар оҥоһуктары, уоту-күөһү ыйыыллар, оҥороллор. Онон бүгүн анаан-минээн халыҥнык таҥнан, сүрүн болуоссаппытыгар кэлэн оҕо сааспын санаан харыйа уматыытын көрдүм. Наһаа да үчүгэй буолар эбит, хайдах эрэ быраааһынньыктыы настарыанньам тута баар буола түстэ, киһини баттыы сылдьыбыт санааларым тута тумаҥҥа күдэрик буолан көтөн хааллылар. Мин кэргэним ыалдьан, куоракка көһөн киирэргэ күһэллибиппит. Онон, олохпун-дьаһахпын соһуччу уларытан, онтон санаарҕаан, куорат да олоҕор үөрэнэн биэрбэккэ сылдьыбытым. Киһиэхэ кыра да наада дииллэринии, бу харыйа уматыытыгар ытыспын таһынан, оҕолуу үөрэн, наһаа да чэпчээн хааллым. Аны санаабын түһэрбэккэ мантан инньэ Саҥа дьылга аа-дьуо бэлэмнэммитинэн барыам. Куорат уонна өрөспүүбүлүкэ олохтоохторугар санаарҕаабаттарыгар, алыптаах-хомуһуннаах бырааһынньыкка, Тымныы оҕонньорго итэҕэйдиннэр диэн үөрэн туран баҕа санаабын тиэрдэбин. Бука бары дьоллоох буолуҥ, ыалдьымаҥ, үрдүбүтүгэр куруук эйэлээх халлаан баар буоллун!

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...