11.01.2024 | 16:00

Куукула быыстапкатын көтүтүмэҥ

Дьокуускайга А.Е. Кулаковскай аатынан Норуоттар доҕордоһууларын дьиэтигэр быйыл сэттис төгүлүн ыытыллар бэрт сонун, сэргэх “Бал снежной долины” диэн өрөспүүбүлүкэтээҕи куукула быыстапката буола турар.
Куукула быыстапкатын көтүтүмэҥ
Ааптар: Уйгулана БОЧОНИНА
Бөлөххө киир

Быыстапка сыл ахсын “Кыһын Саха сириттэн саҕаланар” бэстибээл чэрчитинэн тэриллэн кэллэ. Быйылгы быыстапка биллиилээх модельер-дизайнер Августина Филиппова үбүлүөйдээх 75 сааһыгар ананар. Кырдьык даҕаны, куукулалар Августина Николаевна айан таһаарбыт сиэдэрэй  уобарастарыгар симэнэн, хас биирдии көрөөччүнү абылыыллар.
Саха сиригэр куукула оҥорор маастар ахсаана сыллата элбээн, маастарыстыбалара үрдээн, оҥоһук таһыма тупсан иһэрин VII-c “Бал снежной долины” быыстапка дьэҥкэтик туоһулуур. Өрөспүүбүлүкэҕэ куукула искусствота сайдарыгар 2014 сыллаахха Саха сирин куукула оҥорор маастардарын сойууһа тэриллибитэ, бу Сойуус бүгүҥҥү күҥҥэ 70-тан тахса чилиэннээҕэ эмиэ төһүү күүс буолара саарбахтаммат.
Ол курдук быйыл хоту оройуоннартан – Алдантан, Аллайыахаттан, Аллараа Халыматтан, Орто Халыматтан кыттааччы элбэҕэ кэрэхсэбиллээх. Хотугу төрүт олохтоох аҕыйах ахсааннаах норуоттар таҥастаах куукулалар быыстапка сонун экспонаттара буоллулар. Маастардар көстүүмнэри айылҕа матырыйаалыттан – тирииттэн, түүттэн тигэн, уустук оҥоһуулаах хоруоҥка симэҕинэн киэргэтэн оҥорбуттар. Ону сэргэ быыстапкаҕа туруоруллубут остуоруйа дьоруойдара, кыыл бииһин ууһа кырачаан көрөөччүлэр болҕомтолорун тардаллар.
“Бал снежной долины” быыстапка тохсунньу 15 күнүгэр эрэ диэри үлэлиир. Онон, күндү ааҕааччыларбыт, А.Е. Кулаковскай аатынан Норуоттар доҕордоһууларын дьиэтигэр тиийэн, кэрэ куукулалары кэрэхсииргэ тиэтэйиҥ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!