24.12.2022 | 13:00

Куруолук тыа олохтоохторун хайдах быыһаабыта

(Былыргы Бирма остуоруйата)
Куруолук тыа олохтоохторун хайдах быыһаабыта
Ааптар: Айыына Ксенофонтова көҥүл тылбааһа
Бөлөххө киир

Арай биирдэ Хахай кыыллары барыларын ыҥырбыт уонна эппит:

– Мин бултуу таҕыстахпына, бары өлө куттанаҕыт. Тото-хана аһыыр туһуттан эһигиттэн кими эрэ сиэтэхпинэ сатанар. Өскөтүн күн аайы мин остуолбар биир кыылы сиэртибэ аҕаллаххытына, барыбытыгар да үчүгэй буолуоҕа. Куттанартан босхолонуоххут, оттон мин бултуу барыам суоҕа.

Ол курдук быһаарбыттар. Хас сарсыарда аайы Хахай тойоҥҥо сиэртибэ кэлэр эбит. Кыыллар киэһэ аайы сэрэбиэй тардарга сүбэлэспиттэр.

Оннук хас да күн Хахай ыраахтааҕы уораҕайыттан тахсыбакка, бэлэм аһы сии сыппыт. Оттон кыыллар тыаҕа куттаммакка сылдьар буолбуттар.

Биир киэһэ сэрэбиэй Куруолукка түспүт. Кини:

– Тоҕо бэйэм бэйэбинэн Хахай айаҕар киирэн биэриэхтээхпиний? Тугу эрэ толкуйдуохха уонна ыраахтааҕы атаҕастабылыттан быыһаныахха наада, – диэбит.

Куруолук түүнү быһа толкуйдаан утуйбатах. Хахай, сарсыарда уһуктаат, сиэртибэтин кэтэспит. Ким да кэлбэтэх. Кыыллар ыраахтааҕылара уордайбыт, тыаҕа бараары оҥостубут. Эмискэ Куруолук аҕылаан киирбит.

– Кэмниэ кэнэҕэс аһым кэллэ! – үөрэ түспүт Хахай. – Туох ааттаах хойутаатыҥ?

Онуоха Куруолук:

– Ыраахтааҕым, тулуйа түс. Мин биири кэпсиэхпин баҕарабын. Эйиэхэ кэлэн иһэн атын хахайы көрүстүм. Миигин сиэри гыммытыгар, муҥур ыраахтааҕыга ыксаан иһэрбин эттим. Онуоха кыыһырда уонна эйигин былааһы сымыйанан ылан олорор диэтэ. Миигин тыаны биир гына кэрийэ сылдьан кыылларга дьиҥнээх ыраахтааҕы кэлбитин кэпсээ диэн ыытта. Эйигин өлөрөр үһү, – диэбит.

– Ханна баарый ол хара санаалаах сымыйаччы! Сибилигин көрдөр! – диэн соруйбут.

Онуоха Куруолук кинини дириҥ холуодьаска сирдээн аҕалбыт.

– Тойонуом, аллара көр. Кини онно баар, – диэбит Куруолук.

Хахай төҥкөйбүт уонна ууга бэйэтин күлүгүн көрбүт. Өстөөҕүм дии санаан, ырдьыгынаабытынан холуодьаска ыстаммыт уонна тимирэн хаалбыт.

Кыыллар Куруолук хорсун быһыытын истэн, кини муударай өйүн сөхпүттэр-махтайбыттар. Ол күнтэн ыла кинини Муударай Куруолук диэн ааттыыр буолбуттар.

Сонуннар

Ордук ааҕаллар

Аан дойдуга урут  суох энциклопедия тахсан эрэр
Сонуннар | 25.05.2023 | 14:00
Аан дойдуга урут суох энциклопедия тахсан эрэр
М.К. Аммосов аатынан Хотугулуу-Илиҥҥи федеральнай университет иһинэн үлэлиир Олоҥхо института “Олоҥхо энциклопедиятын” бастакы туомун бэлэмнээн эрэр.
Кыайыы пааркатыгар 3500 хатыҥ уонна кедр олордуллуоҕа
Сонуннар | 25.05.2023 | 17:22
Кыайыы пааркатыгар 3500 хатыҥ уонна кедр олордуллуоҕа
Сарсын, ыам ыйын 26 күнүгэр, Кыайыы пааркатыгар «Өйдөбүнньүк саада» диэн  аахсыйа чэрчитинэн 3500 хатыҥ уонна кедр мас олордуллуоҕа.  «Өйдөбүнньүк саада» норуоттар икки ардыларынааҕы аахсыйа Арассыыйа Бэрэсидьиэнин 03.07.2020 сыл № Пр-1069 сорудаҕынан кулун тутар 18 күнүттэн бэс ыйын 22 күнүгэр диэри дойду бары регионнарыгар Аҕа дойду Улуу сэриитин кыттыылаахтарын сырдык ааттарыгар...
Спортсменнар 17-с кыбаарталы хомуйдулар
Сонуннар | 25.05.2023 | 18:03
Спортсменнар 17-с кыбаарталы хомуйдулар
Олохтоох дьаһалта Физическэй култуураҕа уонна спорка управлениетын салалтатынан куорат бары оҕо спорт оскуолаларын кэлэктииптэрэ бүгүн, ыам ыйын 25 күнүгэр, Строительнай уокурук 17-с кыбаарталыгар субуотунньуктаатылар. Барыта сүүсчэкэ киһи мустан, 320 куул бөҕү хомуйбуттар. Управление начаалынньыга Эдуард Ефимов бэлиэтииринэн, олохтоохтор даҕаны туора турбатахтар.
Дьокуускайга «Якутск купеческий» форум буола турар
Сонуннар | 27.05.2023 | 00:39
Дьокуускайга «Якутск купеческий» форум буола турар
Саха сирин сайдыытыгар былыргы атыыһыттар тугунан да кэмнэммэт кылааттаахтар. Кинилэр үтүө үгэстэрин бүгүн 20 тыһыынчаттан тахса дьоҕус уонна орто урбаан тэрилтэтэ салҕыыр, оттон бүгүҥҥү тэрээһиҥҥэ киин куорат 150 урбаанньыта кыттыыны ыла сылдьар, диэн бэлиэтээтэ куорат баһылыга Евгений Григорьев «Якутск купеческий» форум-дьаарбаҥка үөрүүлээх аһыллыытыгар.  Бэлиэтээн эттэххэ, «Якутск купеческий» форму-дьаарбаҥка ыам ыйын...