Куораты тупсарыыга 136 устудьуон уонна 40 оскуола үөрэнээччитэ үлэлээн саҕалаата
![Куораты тупсарыыга 136 устудьуон уонна 40 оскуола үөрэнээччитэ үлэлээн саҕалаата](https://kiinkuorat.ru/wp-content/uploads/2024/06/YMZhMM1fdm.jpg)
Хомсомуол болуоссатыгар мустубут байыастар халыҥ аармыйаларын куорат баһылыга Евгений Григорьев көхтөөх үлэ семестрэ саҕаламмытынан эҕэрдэлээтэ.
«Уопсайа 136 байыас, ол эбэтэр хас биирдии 8 уокурукка 17-лии устудьуон, үлэлиэҕэ. Ыччаттар бары куорат араас орто уонна үрдүк үөрэҕин кыһаларын устудьуоннара. Кинилэргэ 40 үрдүкү кылаас үөрэнээччилэрэ көмөлөһүөхтэрэ. Оҕолору барыларын биир сыал-сорук түмэр — куораппыт ыраас, кэрэ уонна нэһилиэнньэҕэ табыгастаах буоларыгар дьулуур. Буолаары турар «Азия оҕолоро» оонньууларынан бу күннэргэ үлэһит илии хаһааҥытааҕар даҕаны наада»,— диэн суруйар бэйэтин телеграм-ханаалыгар Евгений Григорьев.
Санатар буоллахха, «Киин куорат» хаһыат ыам ыйын 16 күнүнээҕи таһаарыытыгар Саха сирин устудьуоннарын тутар этэрээттэрин салайааччыта Айсен Соловьев устудьуоннар уокуруктарынан арахсан аан бастаан 2018 сыллаахха үлэлээбиттэрин кэпсээн турар. «Ол кэмҥэ куорат иһинэн субсидия көрүллэрэ, онтон тохтообута. Кэлин, 2022-23 сылларга, Олохтоох дьаһалта тэрилтэлэрин кытта үлэлэспиппит. Быйыл субсидиябыт эмиэ көрүллэн, уокуруктарынан үлэлииргэ төннөн эрэбит...»— диэн турар Айсен Соловьев
https://kiinkuorat.ru/articles/ustuduonnar-etereettere-oloh-oskuolata
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)