Куорат сулууспалара уулуссаҕа былааннаммыт үлэлэри ыыталлар

Алтынньы 12 күнэ үүнэр түүнүгэр куоракка хаар түһэн, «Якутдорстрой» АУо үлэһиттэрэ уонна тиэхиньикэтэ хаары күрдьэллэр уонна халтыраан буолбатын курдук кумаҕы куталлар, суолу грейдердииллэр. Бу туһунан Уокуруктааҕы дьаһалта пресс-сулууспата иһитиннэрдэ. 
Хаар Ленин,  Орджоникидзе, Кыайыы, Доҕордоһуу болуоссаттарын бордюрдаах өттүлэригэр, Ийэ скверигэр уонна «Туймаада Саллаата» мемориалга ыраастанна. 
Тырааныспар сылдьар суолун грейдердааһын Леваневскай, Полина Осипенко уулуссаларыгар, «Стерх» дьоҕус оройуоҥҥа ыытыллар.
Дьаамалары тэҥниир өрөмүөн кэнниттэн грейдердээһин үлэтэ Боотурусскай, Якутская, Очиченко, Кржижановскай, Бабушкин, Челюскин, Ильменскай, Винокуров, Потапов, Крупская уулуссаларыгар барар. 
Халтырааны утары оптуобус хармааннарын, быһа охсуһар уонна эргийэ барар суоллары өрүс кумаҕынан куталлар. 
Ирбит хаар уутун АСМ-нан намыһах сирдэргэ – Чехов уул., 28-30, Лонгинов уул., 9, Бекетов уул., 11, Каландаришвили уул., 39, С. Данилов уул., 3 хачайдыыллар.