Куорат салалтата сэрэхтээх конструкциялары бэрэбиэркэлиир

Куорат салалтата быһылаан тахсыытын сэрэтэр сыалтан Дьокуускай территориятыгар баар көрүүтэ-истиитэ суох турар уонна сэрэхтээх рекламнай конструкциялары бэрэбиэркэлиир. Ол иһигэр элбэх кыбартыыралаах олорор дьиэлэр конструкцияларын техническэй туругун көрөллөр.

Куораты тутуу уонна тырааныспар инфраструктуратын департаменын начаалынньыга Иван Гуляев иһитиннэрбитинэн, билиҥҥи туругунан сэрэхтээх конструкция булуллубата. Эриэйдэлэри салалта территориальнай уорганнарын кытта Куораты тутуу уонна тырааныспар инфраструктуратын департаменын үлэһиттэрэ,  Госстройжилнадзор управлениетын исписэлиистэрэ ыыталлар.

Итини таһынан, тутааччылары кытта эбийиэккэ үлэ ыытыллыбат кэмигэр, туора дьон киирбэтин курдук «сөптөөх» харайыыны ыытарга үлэлэһэллэр.

Санатар буоллахха, итинник эриэйдэлэри ыытарга оҕо өлүүлээх быһылаан кэнниттэн, куорат баһылыгын эбээһинэһин толорооччу Георгий Гаврильев сорудахтаабыта.