26.09.2020 | 18:24

Куорат киинигэр турбут дьиэни көтүрэллэр

Ааптар: Киин Куорат
Бөлөххө киир

Балаҕан ыйын 21 күнүгэр Лермонтов уулуссатын 76-гар турбут 12 кыбартыыралаах олорор дьиэни, 1948 сыллаах тутууну көтүрүү үлэтэ саҕаланна. Уопсай иэнэ – 329, 8 кв. миэтэрэ.

Дьиэ-уот сыһыаннаһыыларын департаменын дириэктэрэ Александр Новолоков иһитиннэрбитинэн, элбэх кыбартыыралаах дьиэ “2019-2025 сылларга хаарбах туруктаах дьиэлэртэн олохтоохтору көһөрүү” бырагыраама чэрчитинэн көһөрүллэр.

“Дьиэ аҥаарыгар дьон олорбута, сорох кыбартыыралар кураанах турбуттара ыраатта. Олорор усулуобуйа, биллэн турар, уустук этэ: оттуллар оһохтоох уонна туох да хааччыллыыта суох. Олохтоохтор бары көһөрүлүннүлэр. Көтүрүү үлэтэ бүттэҕинэ, учаастакка кумах кутуллуоҕа. Быйыл куорат Промышленнай, Сайсары уокуруктарыгар хаарбах туруктаах элбэх дьиэ көтүрүлүннэ. Оттон бу дьиэ Дьокуускай килбэйэр киинигэр турбута. Аттыгар турар Лермонтов уул., 80/2,  4 кыбартыыралаах дьиэҕэ билигин өссө да олороллор. Эһиил көһөрүллүөхтээх”, – диэн бэлиэтээтэ Александр Новолоков.

Дьиэ-уот сыһыаннаһыыларын департаменын дириэктэрэ эппитинэн, көтүрүллүбүт дьиэ оннугар сквер, социальнай эбийиэк эбэтэр куорат олохтоохторугар аналлаах спорт балаһааккатын  тутуохха сөп.

“2019 сыллаахха сокуоҥҥа уларыйыы киирбитинэн, көтүрүллүбүт дьиэлэр сирдэрэ коммерческай сыалга туттуллубаттар”, – диэтэ Александр Владимирович.

Манна элбэх мэндиэмэннээх дьиэ тутуллара көҥүллэммэт, ЛЭП линията ааһар диэн тоһоҕолоон эттэ.

Сонуннар

Ордук ааҕаллар

Якут Шурик: «Атахпын быстыбатаҕым буоллар, өлүөхтээх этим»
Дьон | 21.11.2024 | 12:00
Якут Шурик: «Атахпын быстыбатаҕым буоллар, өлүөхтээх этим»
Суруналыыс кэпсэтэр киһитин кытта кини олоҕун, үөрүүтүн, үлэтин-хамнаһын, кыһалҕатын тэҥинэн үллэстэр. Оннук эрэ сүрэҕэр чугастык ылынан суруйдаҕына, ааҕааччыга тиийэр ыстатыйа тахсар. Мин Александрдыын кэпсэтэрбэр, чэчэгэйим кэйиэлээн, төбөм ыараан да ылбыта, сотору атаҕын быстарын кэпсиир, ону хайдах эрэ тулуйан истибит киһи дии олорбутум. Хараҕым уута да сүүрэрэ, күөмэйбин туох эрэ кэлэн...
Аҕаа, бырастыы
Сынньалаңңа | 27.11.2024 | 10:00
Аҕаа, бырастыы
Уйбаан нэһиилэ сэттис этээскэ сынньана-сынньана кирилиэһинэн тахсан, кыыһа олорор ааныгар кэлэн, оргууй соҕус тоҥсуйда. Баҕардар дьиэҕэ ким да суоҕа дуу дии санаан, кулгааҕын ааҥҥа даҕайан иһиллээн тура түстэ. Киһи атаҕын тыаһа хааман кэлэн, сиэнэ уол куолаһа нууччалыы: «Кто там?» – диэн ыйыппытыгар: – Мин. Тоойуом, мин кэллим, ааҥҥын арый, –...
Кымыс Байбал ыра санаата туолуо дуо?
Сытыы муннук | 28.11.2024 | 14:00
Кымыс Байбал ыра санаата туолуо дуо?
Үөһээ Бүлүү улууһун Маҥаас нэһилиэгин 9 оҕолоох ыалын улахан уола Байбал Васильев оҕо эрдэҕиттэн эппиэтинэскэ үөрэммитэ, хайдахтаах да уустуктан чаҕыйбат, кыраларга холобур буола улааппыта күн бүгүнүгэр  диэри биллэр. Ытык киһибит быйыл 75-с хаарын санныгар түһэрдэ, сааһырда. Ол эрээри олоххо киллэрбит кыһыннары кымыстыыр дьарыгын тохтотуон, өбүгэ кымыстыыр үгэһин үйэтитэр баҕатыттан аккаастаныан...
Туох да мээнэҕэ буолбат
Сынньалаңңа | 25.11.2024 | 23:17
Туох да мээнэҕэ буолбат
Сардаана куруук да холку-наҕыл бэйэтэ, мэктиэтигэр хараҕын уута биллэ-көстө ыгыллан тахсыар диэри абатыйда. Кыһыйбытын омунугар „үөрүүлээх“ сонуну тиэрдибит суотабайын дьыбааҥҥа элиттэ. Хаарыан былаан!! Күүтүүлээх көрсүһүү хаалла!! Бүгүн үлэтигэр бардаҕына табыллар буолбут!   Саатар, бэҕэһээ биллибитэ буоллар. Түүҥҥү дьуһуурустубатын кэнниттэн сынньаммакка, түүннэри былаачыйа тиктэн „быччайан“ олоруо суох этэ! Кыргыттара төһө эрэ хомойоллор....