12.09.2022 | 15:00

Куорат күнүгэр «Ретро-Якутск» куонкурус ыытылынна

Куонкурус сүрүн сыала-соруга – урукку сыллардааҕы муоданы сөргүтүү уонна үйэтитии, ааспыт үйэ 50-60-70 сыллардааҕы куорат олохтооҕун ураты уобараһын оҥорон көрдөрүү, Дьокуускай куорат олохтоохторун айар дьоҕурдарын сайыннарыы уонна өйөөһүн.
Куорат күнүгэр «Ретро-Якутск» куонкурус ыытылынна
Ааптар: Киин Куорат
Бөлөххө киир

Куорат күнүгэр Кырдьаҕас куоракка коллекционардар атыы-быыстапкалара, сэбиэскэй кэмнээҕи былыргы, ол эрэн билигин да сүүрэ сылдьар массыыналары көрдөрүү, 50-60-70 сыллардааҕы куорат олохтооҕун ураты уобараһын оҥорон көрдөрөр куонкурус ыытылыннылар, дьон улахан болҕомтотун уонна сэҥээриитин ыллылар. Куонкурус тэрийээччилэрэ – Олохтоох дьаһалта Култуураҕа уонна духуобунай сайдыыга управлениета.

«Ретро-Якутск» күрэххэ кыттыан баҕалаах биирдиилээн дьонтон уонна дьоҕус кэлэктииптэртэн 40 сайаапка киирбит. Кыттааччылар бары да олус кэрэхсэбиллээх уобарастары көрдөрдүлэр. Дьүүллүүр сүбэ быһаарыытынан куонкурус кыайыылаҕынан Хатас сэлиэнньэтиттэн «Кэрэчээнэ» оҕо уһуйаанын кэлэктиибэ таҕыста (салайааччылар Вера Старкова уонна Галина Ксенофонтова). 2 миэстэҕэ – «Иэйии» үҥкүү ансаамбылын кэлэктиибэ. 3 миэстэҕэ Александра Кеулина тигистэ.

Кыайыылаахтар дипломнарынан уонна бириистэринэн наҕараадаланнылар, кыттааччыларга барыларыгар сертификат уонна өйдөбүнньүк бэлэх туттарылынна.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.