13.10.2023 | 17:15

Куорат Дууматын дьокутааттарын иккис мунньаҕа ыытылынна

Дьокуускай куораттааҕы Дуума дьокутааттара иккис мунньахха Бэрэссэдээтэл солбуйааччыларын таллылар, Президиум уонна сис хамыыһыйалар састааптарын бигэргэттилэр диэн Олохтоох дьаһалта пресс-сулууспата иһитиннэрдэ.
Куорат Дууматын дьокутааттарын иккис мунньаҕа ыытылынна
Ааптар: Киин Куорат
Бөлөххө киир

Бүгүн, алтынньы 13 күнүгэр,  Куорат Дууматын дьокутааттарын иккис мунньаҕар 7 боппуруос көрүлүннэ.

Бу иннинэ ылыныллыбыт сорох быһаарыыларга уларытыы киллэрилиннэ, итиэннэ дьокутааттар Бэрэссэдээтэл солбуйааччыларын таллылар.

Боппуруоһу дьүүллэһиигэ Бэрэссэдээтэл бастакы солбуйааччыта, «Биир Ньыгыл Арассыыйа» баартыйа фракциятын салайааччыта  Евдокия Евсикова икки кандидатураны туруорда – Феликс Романовы уонна Филипп Седых. Кандидаттар бэйэлэрин туһунан сырдатан тыл эппиттэрин кэннэ, дьокутааттар кандидатуралары өйөөтүлэр.

Итини таһынан, дьокутааттар биир сис хамыыһыйаларга иккини эбэр туһунан быһаарыыны ылыннылар – экономическэй уонна инвестиционнай политикаҕа, итиэннэ социальнай өйөбүлгэ уонна гражданнар доруобуйаларын харыстабылыгар.

«Хамыыһыйалар састааптарын, дьокутааттар ахсааннарыттан көрөн, табыгастаах гынан оҥордубут. Дьокутааттары уонна баартыйа бэрэстэбиитэллэрин кытта сүбэлэстибит. Санатар буоллахха, Дьокуускай куораттааҕы  Дуума хас биирдии дьокутаата сис хамыыһыйалар мунньахтарыгар кыттар уонна куоластыыр толору бырааптаах», - диэн бэлиэтээтэ Дьокуускай куораттааҕы  Дуума Бэрэссэдээтэлэ Альберт Семенов.

Салгыы дьокутааттар Дуума Президиумун састаабын бигэргэттилэр. Итиннэ дьокутааттар Нюргун Ефремов, Алексей Осипов, Владимир Слепцов киирдилэр.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...