Куорат дьокутааттарыттан көмө
Бу көмө киин куорат Дууматын дьокутааттарын, Дуума аппараатын, хонтуруоллуур-суоттуур палаата, Бэйэни салайыныы бэрэстэбиитэллээх уорганнарын ассоциацияларын хомуйбут үптэригэр оҥоһулунна.
“Уопсай хомуллубут харчынан анал байыаннай эпэрээссийэҕэ сылдьар биир дойдулаахтарбытыгар УАЗ-Патриот массыына, ичигэс таҥастары уонна байыаннай сэби-сэбиргэли атыылаһан аҕаллыбыт. Бэйэбит дьоммутун өйүүр хайаан да наада”, - диэн уоппускатын кэмигэр байыаннай дьайыылар буола турар сирдэригэр тиийбит куорат Дууматын бэрэссэдээтэлэ Альберт Семенов кэпсээтэ. Маны таһынан спонсордар биэрбит үптэринэн 1 мөлүйүөн суумаҕа квадрокоптердары атыылаһан тиксэрдилэр, диэн Дьокуускай куорат Дууматын пресс-сулууспата иһитиннэрэр.
Көмөнү Саха сириттэн бэйэлэрин баҕаларынан барбыт дьонтон турар этэрээт туохха наадыйарын, тугу көрдөспүттэрин көрөн оҥорбуттар. Маны тэҥэ чугас дьонноруттан, дьиэ кэргэттэриттэн баһыылкалары тиксэрбиттэр. Байыастарга анаммыт аммуниция, аныгы тиэхиньикэ “Барс-2” этэрээт хамандыырын солбуйааччытыгар Александр Колесовка туттарыллыбыт.
Сонуннар
Ордук ааҕаллар
