29.04.2023 | 13:04

Куорат баһылыга Евгений Григорьев сир учаастагын көрдөөһүҥҥэ көмөлөстө

Куорат баһылыга Евгений Григорьев сир учаастагын көрдөөһүҥҥэ көмөлөстө
Ааптар: Киин Куорат
Бөлөххө киир

Муус устар 28 күнүгэр буолан ааспыт куорат баһылыгын уочараттаах приема элбэх оҕолоохторго сир учаастагын биэрии боппуруоһун тула буолла. 
Элбэх оҕолоох ыал ийэтэ баһылык Евгений Григорьевтан дьиэ туттарга сир учаастагын көрдүүргэ көмөлөһөргө көрдөстө. Евгений Григорьев сорудаҕынан Сир сыһыаннаһыыларыгар агентство үлэһиттэрэ сир учаастагын көрдөөн булуу схематын кытта билиһиннэриэхтэрэ.  Евгений Григорьев маны сэргэ элбэх оҕолоохторго 2023 сыл бүтүүтүгэр эбэтэр 2024 сыл саҥатыгар Бүлүү суолугар, Намцыр трагар уонна Маҕан оройуонугар 3 тыһыынча кэриҥэ сир учаастага ананаары турарын иһитиннэрдэ.
Итиэннэ быйылгыттан босхо сир учаастагын уочаратыгар турар эрээри дьиэ туттар былаана суох элбэх оҕолоохторго сир учаастагын оннугар 200 тыһ. солк. кээмэйдээх биир кэмнээх харчынан компенсация бэриллэрин санатта.
Санатар буоллахха, баһылык гражданнары кытта эрдэттэн суруйтарыынан көрсөр. Көрсүһүүгэ суруйтарарга Сурук отделыгар эбэтэр Олохтоох дьаһалта тэрилтэлэригэр сайабылыанньа суруйуохха наада. Сайабылыанньаҕа быһаартарыахтаах боппуруоһу сиһилии ыйар уонна инники өттүгэр атын инстанцияларынан туох быһаарыы ылыллыбытын сыһыарар наада. Маны сэргэ тус дааннайдары ыйар ирдэнэр: төлөпүөн нүөмэрэ, электроннай аадырыс.
Сайабылыанньаны ыытар ньымалар:
– yakutsk@sakha.ru Олохтоох дьаһалта официальнай электроннай почтатыгар;
– 40-80-76 төлөпүөнүнэн;
– Дьокуускай к., Ленин проспега, 15 аадырыска тиийэн;
– Сурук отделын аадырыһа: Дьокуускай к., Ленин проспега, 15, 113 кэб., үлэ күннэригэр сарсыарда 09:00 чаастан киэһэ 18:00 чааска диэри (эбиэккэ тохтобул – 13:00-14:00 чч.).

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.