27.04.2021 | 14:04

Куоластыыбыт: Муус устар 26 – ыам ыйын 30 күннэрэ

Куоластыыбыт: Муус устар 26 – ыам ыйын 30 күннэрэ
Ааптар: Киин Куорат

Муус устар 26 күнүттэн Бүтүн Арассыыйатаҕы уопсастыбаннай территориялары уонна тупсарыы үлэтигэр туһаайыллыбыт сыаллаах дизайн-бырайыактары талар рейтиннээх куоластааһын саҕаланна. Кыайыылаах бырайыактар федеральнай кыттыгас үбүлээһиҥҥэ тиксиэхтэрэ уонна 2022 сылга олоххо киириэхтэрэ.
Итинэн сибээстээн, Дьокуускай куорат Уокуруктааҕы дьаһалтата нэһилиэнньэни  Кыайыы Пааркатын уонна Сайсары күөл кытылын тупсаран оҥорууга анал платформаҕа киирэн куоластыыргытыгар ыҥырар za.gorodsreda.ru.
Сайсары күөл кытылын уонна Ийэ скверин тас көрүҥнэрэ чыҥха атыннык уларыйар, тупсар кэриҥнээхтэр. Дизайн-бырайыакка сылаас павильон, оҕо оонньууругар аналлаах уонна спортивнай былаһааккалар, күөл тула бэлисипиэттиир суол, күөлү көрөргө смотровой балаһаакка бааллар, ону сэргэ көҕөрдүү үлэтэ уонна суол, тротуардар капитальнай өрөмүөннэрэ киирэ сылдьаллар.
 Кыайыы пааркатыгар мемориальнай маршрут, сүүрэргэ уонна бэлисипиэттииргэ анаммыт суол, оҕо былаһааккалара, спордунан дьарыктанар уонна остуол оонньууларыгар аналлаах сирдэр, гамаактар, фуд-корт уонна амфитеатр, скейтпаарка уонна гриль-зона баар буолуохтара. 
Ити быллааннаммыт үлэ барыта дизайн-бырайыакка киирэ сылдьар. Бырайыагы өйүүргэ төһөнөн элбэх куолас киирэр да, оччонон бырайыак олоххо киирэр кыахтанар. Куоластааһын болдьоҕо – бу дьыл муус устар 26 күнүттэн ыам ыйын 30 күнүгэр диэри.
Рейтиннээх куоластааһыҥҥа гражданнар «Госуслуги» порталга регистрацияланан 14 саастарыттан саҕалаан кыттыахтарын сөп. Онлайн-куоластааһын бырайыак порталыгар ыытыллар za.gorodsreda.ru.
Куоластааһын бэрээдэгэ:
1.     Сайтка бэйэҕит муниципальнай тэриллиигитин талаҕыт za.gorodsreda.ru, куоластааһыҥҥа кыттар объектар ааттарын-суолларын билсиҥ.
2.     «Госуслуги» порталга киириҥ эбэтэр регистрацияланыҥ, регистрация форматыгар бэйэҕит араспаанньаҕытын, ааккытын, аҕаҕыт аатын, төрөөбүт күҥҥүтүн уонна олорор сиргитин, электроннай почтаҕыт аадырыһын уонна төлөпүөҥҥүт нүөмэрин суруйуҥ. 
3.     Эһиги санааҕытыгар ханнык уопсастыбаннай территория бастакы уочарат тупсаран оҥоһулларга наадыйарын талыҥ. 
Ытыктабыллаах Дьокуускай куорат олохтоохторо! Куораппыт инники кэскилэ хас биирдиибититтэн тутулуктаах. Тупсарыы, өрөмүөн үлэтэ куорат ханнык өттүттэн саҕаланыахтааҕын эһиги быһаарар кэмҥит үүннэ. Куораты тупсарар бырайыактар үлэҕэ киирэллэрин туһугар бэйэҕит куоласкытын биэрэргитигэр ыҥырабыт!

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.