10.07.2021 | 22:00

Кулууп кистэлэҥэ

Кулууп кистэлэҥэ
Ааптар: Киин Куорат

Сир-сир аайы эргэ дьиэлэр, оскуолалар, кулууптар туох эрэ дьиктилээхтэрин туһунан номох курдук кэпсээн элбэх. Арай биирдэ биир дэриэбинэ кулуубугар маннык түбэлтэ буолбут. Олохтоохтор уруккуттан кулууптарын абааһылаах диэн ааттыыллар эбит. Биирдэ кулуупка киинэ көрдөрбүттэр. Биир киһи киинэҕэ кэлэн баран утуйан хаалаахтаабыт. Өйдөөн көрбөтөхтөр дуу, хайдах дуу, киинэ бүппүтүн кэннэ ким да кинини уһугуннарбакка баран хаалбыттар. Бары барбыттарын кэннэ, түүн ортото бэйэтэ тоҥон уһуктубут. Ааны тиийэн анньыалаан көрбүтэ хатанан турар буоллаҕа дии. Хайдах гыныан билбэккэ, киһи төттөрү-таары хаамыталыы сылдьыбыт. Ол саҕана төлөппүөн, эгэ суотабай кэлиэ да. Арай ол сырыттаҕына кулууп түгэҕэр туох эрэ тыаһаабыт. Чөрөйүөҕүнэн чөрөйөн бүтүннүү кулгаах буолан туран иһиллээтэҕинэ, кини диэки киһи аргыый сырдырҕаан хааман иһэр эбит. «Кимий» диэн ыксаан хаһыытаабытыгар атах тыаһа тохтообут. Онтон эмиэ аа-дьуо, кырдьаҕас, кыаммат киһи атаҕын соһон хаамарын курдук, бытааннык хааман киһибит диэки чугаһаан испит. Эбиитигэр чугааһыбытыгар ыараханнык тыынара иһиллибит, бэйэтэ буоллаҕына көстүбэт үһү. Оччону истээт биһиги киһибит сарылыы түһээт аан диэки ыстаммыт уонна хатанан турар күлүүһүттэн да иҥнибэккэ тоҕо солоон таһырдьа биирдэ баар буолбут. Ити түбэлтэ кэнниттэн хайдах итинник халыҥ, күлүүстээх ааны тоҕо көтөн тахсыбытын дьон сөҕөн-махтайан бөҕө буолбут. Арааһа, киһи туохтан эбит улаханнык куттаннаҕына күүһүгэр күүс эбиллэрэ кырдьык быһылаах.

Сонуннар

Ордук ааҕаллар

Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Аар Саарынтан алгыстаммыт Күн Сандаара
Дьон | 04.12.2022 | 16:00
Аар Саарынтан алгыстаммыт Күн Сандаара
Кэлиҥҥи сылларга айылҕаттан айдарыылаах, олоххо ураты көрүүлээх, тарбахтарыгар талааннаах, илиилэринэн илбийэн эмтиир сахалыы эмчиттэри хаһыаппытыгар үгүстүк сырдатан кэллибит. Бүгүн мин биир дойдулаахпын, алгысчыт, сахалыы эмчит Саргылаана Винокурова-Күн Сандаараны билиһиннэриэхпин баҕарабын.  Күн Сандаара Нам улууһун Салбаҥ нэһилиэгиттэн төрүттээх. Ол гынан баран өр сылларга Сунтаарга олорбут буолан, Сунтаарын ордук чугастык саныыр.   Кулгаахпар...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Ытаспакка, этиспэккэ,  үөрэ-көтө...
Тускар туһан | 25.11.2022 | 18:00
Ытаспакка, этиспэккэ, үөрэ-көтө...
Элбэх төрөппүт оҕотугар дьиэтээҕи үлэтин оҥороругар көмөлөһөрө кистэл буолбатах. Сорохтор “тэбис-тэҥҥэ үөрэнсэбит”, “киэһэ аайы ол айдаана”, “айа, стресс” диэн муҥатыйалларын үгүстүк истэбит. Чуолаан дистанционнай үөрэх кэмигэр дьиэтээҕи үлэни толоруу “сэриигэ” кубулуйа сыспыта.