Култуура уонна сынньалаҥ кииннэрэ маастар-былаанынан тутуллуохтара
![Култуура уонна сынньалаҥ кииннэрэ маастар-былаанынан тутуллуохтара](https://kiinkuorat.ru/wp-content/uploads/2024/02/UO3XUB4ZH3.jpg)
Ол туһунан куорат баһылыга Евгений Григорьев олунньу 27 күнүгэр култуура үлэһиттэрин иннигэр отчуотугар бэлиэтээтэ. Баһылык маны сэргэ үгэс курдук ааспыт 2023 сыл социальнай-экономическай көрдөрүүлэрин, үүммүт сылга турар соруктары билиһиннэрдэ.
Ааспыт сыл сүрүн ситиһиитинэн дойду бэрэсидьиэнэ Владимир Путин Дьокуускай куорат 2030 сылга диэри сайдыытын маастар-былаанын өйөөбүтүн, бу сүҥкэн суолталаах докумуон чэрчитинэн кэлэр сылларга биһигин куораппытыгар 12 оскуола, 18 оҕо саада, 10 доруобуйа харыстабылын тэрилтэтэ, 7 спорт эбийиэгэ курдук социальнай суолталаах тэрилтэлэр, маны сэргэ Пригороднай уонна Кангалаас бөһүөлэктэригэр сынньалаҥ кииннэрэ, 4 оҕо искусствотын оскуолата, Музыка үрдүкү оскуолатыгар саҥа дьиэ, киинэ павильона тутуллара былааннанар диэтэ.
Чуолаан 2024 сылга култуура эйгэтигэр «Маяк» библиотека филиалыгар хапытаалынай өрөмүөн, Култуура уонна сынньалаҥ пааркатын саҥардан оҥоруу уонна «Арчы дьиэтэ” духуобунас киинин хапытаалынай өрөмүөнэ саҕаланаары туралларын иһитиннэрдэ.
Отчуот кэнниттэн култуура үлэһиттэрэ куорат дьаһалтатынан ыытыллар киэҥ хабааннаах үлэни биһирииллэрин бэлиэтээн туран, Залог оройуонугар баар Көрбөттөр библиотекаларын таһынааҕы “саҥарар светофору” сөргүтэргэ, «Священный табун мифических лошадей» арт-эбийиэги чөлүгэр түһэрэргэ көрдөстүлэр, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)