26.10.2020 | 09:01

Кубокпыт – Саха АССР 100 сылын көрсө

Кубокпыт – Саха АССР 100 сылын көрсө
Ааптар: Киин Куорат

Үтүө дьыала Кубогын хамсааһын өрөспүүбүлүкэбит бары улуустарынан сыалын-соругун толорон, үлэ түмүктэринэн араас таһымнаах куонкурустарга кыттан, хамсааһыммытын өссө бөҕөргөттүбүт.

Ол курдук СӨ Ыччат министиэристибэтин иһинэн ыытыллыбыт интэриниэт куоластааһыҥҥа абсолютнай кыайыылаах аатын ылбыппытын ааһан эрэр сылга биир улахан ситиһиибитинэн ааҕынабыт, тыһыынчанан дьоҥҥо, ыалга, тэрилтэҕэ оҥорбут үтүө дьыалаларбыт сыанабылларын быһыытынан билиннибит. Ити күрэхтэн кынаттанан, салгыы Арассыыйа таһымнаах күрэххэ кыттыбыппытын эмиэ тапталлаах, сыл устата доҕор оҥостубут «Киин куорат» хаһыаппыт нөҥүө иһитиннэрэн турабыт. Ол курдук, бу “Доброволец России-2020” Бүтүн Арассыыйатааҕы волонтерскай күрэххэ куоластааһын түмүгэ бу күннэргэ таҕыста. Биһиги бырайыакпыт финалга тахсыбата эрээри,  53 тыһыынчаттан тахса сайаапкаттан бастыҥ 1,5 тыһыынча иһигэр киирэн, Үтүө дьыалабыт Кубогын Арассыыйаҕа ааттаттыбыт, хамсааһыммытын кэпсээтибит диэн үөрэбит эрэ, бастакы сырыы диэтэххэ, сүҥкэн көрдөрүү диэн бэйэбитигэр сыана быһынныбыт. Үтүө дьыала хайысхатыгар Арассыыйа үрдүнэн элбэх хамсааһын буола турарын биллибит, кинилэр ортолоругар бэйэбит дьоһун миэстэни ыларбытын билиннибит, Арассыыйа хоту эҥээригэр сытар ыраах Саха сирин хас биирдии улууһугар, оройуонугар Үтүө дьыала Кубога ыалдьыттаан, үтүө дьыала үлүскэнэ оҥоһуллубутун туһунан киэн тутта  билиһиннэрдибит. Биир үөрүүлээх сонунунан күрэххэ кыттан 1985 сыллаахха Арассыыйа атын регионнарын оскуолаларын бүтэрбиттэр сибээскэ тахсыбыттара, биһиги хамсааһыммытын сэргээбиттэрэ буолар. Бу биһиги кэҥээн иһэрбит биир көстүүтэ.

Соторутааҕыта үһүс куонкуруспутугар эмиэ бэрт ситиһиилээхтик кытынныбыт. Манна «Выпуск-85» өрөспүүбүлүкэтээҕи түмсүүбүт салайааччыта Алексей Васильев “Бырайыагы көҕүлээччи“ быһыытынан кытынна. Бу түмүгэр Саха сиригэр үлэлиир 16 бастыҥ үлэлээх уопсастыбаннай хамсааһын быһыытынан ааҕылынныбыт. Манна "Саха АССР 100 сыллаах үбүлүөйүн көрсө 100 бастыҥ уопсастыбаннай тэрилтэ" диэн кинигэҕэ киирэр чиэскэ тигистибит. Ону ааһан, финалга киирэн, Үтүө дьыалабыт Кубога  өрөспүүбүлүкэ таһымнаах үтүө дьыалалар номинацияларыгар бастакы миэстэни ылары ситистэ.

Бу барыта биир сыаллаах  үтүө дьыалабыт түмүгэ. Хас биирдии улуус, оройуон, кылаас түмсүүлэрин биир сомоҕо түмэн, биир сыаллаах, былааннаах үлэ кыайыыта буолар.

Үтүө дьыалалар өссө да үксүү турдуннар!

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Дьокуускайга саҥа сквер баар буолуоҕа
Сонуннар | 08.05.2022 | 09:01
Дьокуускайга саҥа сквер баар буолуоҕа
Саха АССР Конституциятын уонна Декларациятын бэлэмниир хамыыһыйа кыттыылааҕа Георгий Семенович Ефимов быйыл төрөөбүтэ 130 сылын туолла. Г.С. Ефимов 1892 сыл муус устар 10 күнүгэр Дьааҥы Бастакы Дьуhаал (билиҥҥи  Дулҕалаах) нэһилиэгэр Семен Васильевич Ефимов-Дьуhаал Сэмэн дьиэ кэргэнигэр төрөөбүтэ. Дьэкиимэп аҕа ууhуттан өрөбөлүүссүйэ иннинэ Дьааҥы биллэр баайдара, меценаттара, үөрэхтээхтэрэ, улуус кулубалара үөскээбиттэрэ....
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...