Киин куорат паарката кэҥиэҕэ

ВЭБ.РФ балаһааккатыгар Дьокуускай куорат инвестиционнай кыаҕын билиһиннэрии кэмигэр Дьокуускай куорат олохтоох дьаһалтата «Уопсастыбаннай туоналары уонна пааркалары сайыннарар киин» АНО кытта бииргэ үлэлэһии сөбүлэҥин түһэристэ.

Сөбүлэһиигэ куорат баһылыга Евгений Григорьев уонна «Уопсастыбаннай туоналары уонна пааркалары сайыннарар киин» АНО бэрэссэдээтэлэ Сергей Буторин илии баттастылар.
Сөбүлэҥ өрүттэр «Дьокуускай куорат» Куораттааҕы уокурук территориятыгар туризм эйгэтин, уопсастыбаннай туоналары тупсарыы, элбэтии, комплекснайдык сайыннарыы сүрүн соруктарын олохтуур. Ол эбэтэр бииргэ үлэлэһии барыстаах инвестиционнай бырайыактары көрдөөһүҥҥэ уонна олоххо киллэриигэ туһуланар. Чуолаан Дьокуускай куораттааҕы Култуура уонна сынньалаҥ пааркатын сайыннарыы уонна кэҥэтии иитинэн спортивнай-чэбдигирдэр комплексы тутуу бырайыага баар. Комплекс ууга спорт көрүҥнэрин уонна көхтөөх сынньалаҥы сайыннарыыны сабаҕалыыр.