11.09.2021 | 13:17

Киин куорат мураллара

Киин куорат  мураллара
Ааптар: Айталина Софронова
Бөлөххө киир

Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр.
Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт. 
Мурал – дьиэ эркинигэр эбэтэр иһигэр уруһуйданар уустук ойуу.

«Айыыһыт»

Ханна баарый? Лермонтов уул., 56, Щорс күөлүн кытыытыгар.

2018 с. тоҕус этээстээх дьиэ истиэнэтигэр чаҕылхай стрит-арт уруһуйу Ойуунускай аатынан Саха академическай театрын сүрүн худуоһунньуга, Арассыыйа уонна Саха сирин искусстволарын үтүөлээх деятелэ Лена Гоголева оҥорбута.

Щорс күөл кытыытыгар оҥоһуллубут мурал худуоһунньук бастакы монументальнай үлэтэ буолар. Манна худуоһунньук Александр Григорьев уонна альпинист Александр Шкатулк тэҥҥэ үлэлээбиттэрэ.

Андрей Адно үлэтэ

Ханна баарый? Лермонтов уулуссатыгар баар католическай таҥара дьиэтин урукку дьиэтэ.

Худуоһунньук-графитист Андрей Адно үлэтин саамай кэрэхсэбиллээҕинэн ааттыахха сөп. Кини урукку католическай церковь дьиэтин эркинин уруһуйдаабыта. Омос көрдөххө, олуона соҕус эрээри, бу стрит-арт истиилэ буолар.

«Чаппараах»

Ханна баарый? Ломоносов уул., 31/3.

Ааптардар – Самсон Атасыков уонна Степан Данилов. Уолаттар үлэ саҕаланыан иннинэ дьиэ олохтоохторун кытта көрсүһэн сүбэлэспиттэрэ, кинилэри кытта эскииһи бииргэ талбыттара. Ойуу саха чаппарааҕын көрдөрөр.

«Хотугу матыыптар»

Ханна баарый? Лермонтов уул., 58/2.

2017 сыллаахха атырдьах ыйыгар Москва худуоһунньуга Евгений Желваков оҥорбут үлэтэ. Бу уруһуй сүрүн идиэйэтэ – сир ийэ уобараһа, олоҕу көрдөрөр дьахтар.

«Аан Алахчын Хотун»

Ханна баарый? Киров уул., 21.

Дьокуускай саамай биллэр мурала 2016 сыллаахха оҥоһуллубута. Худуоһунньук Кыыдаана Игнатьева Аан Алахчын Хотуну ойуулаабыта. Дьон-сэргэ өйүгэр-санаатыгар хатанар үлэ диэн бэлиэтиир тоҕоостоох.

Дьокуускай уруһуйдаах мурал

Ханна баарый? Киров уул., 21/1.

Кыыдаана Игнатьева өссө биир композицията. Бу ааптар 2015 сыллаахха сакааска уруһуйдаабыт хартыынатын ситэрэн оҥорбута.

«Дьулуруйар Ньургун Боотур» олоҥхо персонажтарынан

Ханна баарый? Ойуунускай уулуссатыгар олорор дьиэ кытыыта.

Икки дьиэ фасадын худуоһунньук Андрей Степанов үлэлэрэ киэргэтэллэр. Бу кэннигэр эргэ дьиэ саһан турар.

«Чороон уонна сэлиилэр»

Ханна баарый? Ломоносов уул., 29/1.

Бу дьиэни улахан чороон уонна сэлии кыыл киэргэтэллэр. Үлэ ааптара –  Агостино Якурчи. Кини саха норуотун баай историятын уонна култууратын сыныйан үөрэппитин туһунан бэйэтин аккаунугар кэпсээбитэ. Худуоһунньук үлэлэрэ Римҥэ, Парижка, Берлиҥҥэ уонна Европа атын куораттарыгар бааллара биллэр.

«Дьокуускайтан сылдьабын»

Ханна баарый? Октябрьскай уулуссата, «Саха» НКИХ дьиэтэ.

Бу үлэни «Битва блогеров» бырайыак кыттыылаахтара оҥорбуттара. Стрит-арт бастаан утаа элбэх дьону сэргэхсиппитэ.

Кузьмин уулуссатыгар

Ханна баарый? Кузьмин уул., 10.

Үлэ ааптара – худуоһунньук Софья Шилова. Бу аптека дьиэтэ. Софья Дьокуускайдааҕы художественнай училищены уонна Арктикатааҕы култуура уонна искусство институтун бүтэрбитэ.

«Ситим»

Бу эбийиэк Кальвица уулуссатыгар баар. Ааптара – талааннаах, эдэр худуоһунньук Сахаайа Сыромятникова. Мурал аныгылыы уобараһынан, символларынан толоруллубут. Билигин интэриниэт ситимэ, төлөпүөнэ, тэлэбиидэнньэтэ уонна гаджета суох сатаан олорбоппут. Муралга өйдөөн көрдөххө, урукку уонна саҥа тэлэбиисэрдэр, төлөпүөннэр бааллар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Ытык сирдэнэр буоллубут!
Куорат олоҕо | 09.05.2024 | 18:00
Ытык сирдэнэр буоллубут!
Кулун тутар 15 – муус устар 30 күннэригэр ыытыллыбыт Бүтүн Арассыыйатааҕы рейтиннээх куоластааһыҥҥа Саха сириттэн хаһааҥҥытааҕар да элбэх – 125 156 киһи кыттыыны ылбытын туһунан Ил Дархан уонна Бырабыыталыстыба пресс-сулууспата иһитиннэрэр.   Ол иһигэр Дьокуускай куораттан былырыыҥҥытааҕар икки төгүл элбэх – 52 271 киһи куоластаабыт (былырыын – 29 679 киһи).  «Куорат...
Саха сириттэн сэриигэ  ат хомуура
Сонуннар | 09.05.2024 | 12:00
Саха сириттэн сэриигэ ат хомуура
1941-1945 сыллардааҕы Аҕа дойду Улуу сэриитигэр дойду үрдүнэн ат хомуура диэн барбыта. Сэриигэ киһини кытта тэҥҥэ биир төһүү тыыннаах күүһүнэн ат буолбута. Кыһыл Аармыйа 1 мөлүйүөн 9 тыһыынча атыттан сэриигэ мөлүйүөнтэн ордугун сүтэрбитэ.   Аты таһар-тиэйэр күүс быһыытынан эрэ буолбакка, кавалерияҕа кытта туһаммыттара. Байыаннай-ветеринарнай сулууспа күүскэ үлэлээбитэ. Маныаха 6507 ветврач уонна...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...