Киин куорат Кыайыыны уруйдуур

Бүгүн киин куоракка Кыайыы болуоссатыгар ыытыллыбыт бырааһынньыктааҕы тэрээһиннэрин Оҕо искусствотын оскуолатын үөрэнээччилэрэ, Галина Кривошапко аатынан Саха Өрөспүүбүлүкэтин судаарыстыбаннай филармониятын духовой оркестра, С.А.Зверев – Кыыл Уолун аатынан Үҥкүү национальнай тыйаатырын, Кулаковскай аатынан Норуоттар доҕордоһууларын дьиэтин кэлэктииптэрэ киэргэттилэр.
Үгэс буолбут Кыайыы оһуохайыгар Ил Дархан Айсен Николаев уонна куорат баһылыга  Евгений Григорьев кытыннылар.
А.Д. Макарова аатынан култуура уонна искусство колледжа мустубут дьоҥҥо «Сквозь года звенит Победа!» музыкальнай-театрализованнай дьүһүйүүнү көрдөрдө. 
Бырааһынньыктааҕы бырагырааманы самодеятельнай кэлэктииптэр, «Раздолье» хор, ИДьМ үлэһиттэрин «Служба 02» ансаамбыла ситэрэн биэрдилэр. 
Улуу Кыайыы 78 сылынан бырааһынньыктааҕы тэрээһиннэри киэһэ 22.00 ч салют түмүктүөҕэ.