23.07.2023 | 12:00 | Просмотров: 597

Киин куорат күөх кубогар — Сайсары уокуруга

Ааптар: Айталина Софронова

Былырыыҥҥыттан саҕалаан Дьокуускай куоракка «Киин куорат күөх кубога» куонкурус өрө күүрүүлээхтик ыытыллар. Куонкуруска сайаапкалары от ыйын 16 күнүгэр диэри ылан бүтэрдилэр.
Күрэх икки түһүмэҕинэн ыытыллар. Бастакы түһүмэх территорияларынан арахсан от ыйын 17-28 күннэригэр бара турар. Манна биһирэммиттэр салгыы иккис түһүмэххэ тахсаллар, иккис түһүмэх атырдьах ыйын 2-18 күннэригэр буолар.

Тэрийээччилэр иһитиннэрбиттэринэн, саамай элбэх сайаапка Сайсары уокуругун олохтоохторуттан киирбит. Онтон сиэттэрэн уокуруктан күрэххэ кыттыыны ылар тэрилтэлэр, олохтоохтор, урбаанньыттар тиэргэннэрин хаартысканан билиһиннэрэбит.

«Биһиги уокурукпутуттан «Киин куорат күөх кубога» күрэххэ 32, ол эбэтэр былырыыҥҥытааҕар элбэх сайаапка киирдэ. Бу түгэни нэһилиэнньэ күрэҕи сөбүлээбит, көдьүүстээҕинэн ааҕар диэн сыаналыахха сөп. Бары кыттааччыларга ситиһиилэри баҕарабыт»,– диэн Сайсары уокурун исписэлииһэ Борис Илларионов иһитиннэрэр.

1. Өрөспүүбүлүкэтээҕи анал (коррекционнай) тулаайах, көрүүтэ-истиитэ суох хаалбыт оҕолор интэринээт-оскуолалара сибэккинэн симэммит. Петуния, астра, флокс, бархатцы уо.д.а. дьэрэкээн сибэккилэр көбүөрдэрэ оҕолор сүрэхтэрин сылааһынан угуттууллар.

2. «Чочур Муран» этнографическай комплекс тиэргэнэ көрүөхтэн кэрэ. Комплекс иһигэр киэргэл сибэккилэри, оту-маһы сэргэ эмтээх үүнээйилэри олордор эбиттэр.

3. Хаартыскаҕа Гимеин уулуссатын, 2 дьиэтигэр олорор Евдокия Петровна Дунаева тиэргэнэ көстөр. Евдокия Петровна сүрэҕин сылааһынан киэргэппит дьоҕус саадыгар үөр чыычаах кытта мустар.

4. Бу көстөр тиэргэн – сибэкки маҕаһыынын иннэ. Урбаанньыт чахчы олус кыһамньылаахтык сыһыаннаспыта ыраахтан харахха быраҕыллар. Хас биирдии дьоҕус маҕаһыын, киоска хаһаайына куораты көҕөрдүүгэ маннык сыһыаннаһара буоллар, Дьокуускай куорат чахчы да ирбэт тоҥ саамай кэрэ, күөх куората буолуо этэ.

5. «Кэскил» оҕо уһуйаана хас биирдии эппиэтинэстээх тэрилтэ быһыытынан сыл аайы тиэргэнин сибэккинэн симиир. Аны күһүн кырачааннар сибэкки саарыстыбатыгар үктэнниннэр диэн, көҕөрдүү үлэтигэр дьоһун болҕомто ууруллар.

6. П.И. Мельников аатынан ирбэт тоҥу үөрэтэр институт быйылгы күрэххэ эмиэ кыттыыны ылар. Манна бааллар петуния арааһа, шафран, роза сибэккилэр, дьаабылака, кедр мастар.

7. Сэргэлээх шоссетыгар 34 №-дээх интэринээт-оскуола тиэргэнэ.

Туймаадам устунан дьаарбайа хаамабын,
Араас өҥ сибэкки киэргэлин сөҕөбүн,
Лыах кынат чэпчээммин өрүтэ көтөбүн,
Күөх сайын сиппитин дьэ өйдөөн көрөбүн.
Аҕыс ый усталаах тымныыкан дойдубар
Сайына кылгаһын адьаһын умнабын,
Куйааһа бүппэтэх от ыйын уһатан,
Тоҥ тааһы ириэрэр чэчиктэн үөрэбин.
Харахпын симэммин хантайан турабын,
Ахтылҕан дыргыл мүөт сытынан тыынабын,
Ис куттуун сылыйан, оҕолуу сырдыыбын,
Алааһым аартыгар тиийбиккэ дылыбын.

Хоһоон ааптара оскуола тьютора
Индиана Феофанова

Ыйытык

Сонуннар

10.08.2026 | 17:00

Сүрэх, тымыр ыарыытын сэрэтэр 8 быраабыла

10.08.2026 | 16:33

Дьокуускайга учууталлары үлэнэн хааччыйар штаб арылынна

10.08.2026 | 13:47

Бөх полигона Дьокуускайга алтынньы 1 күнүттэн үлэҕэ киириэҕэ

10.08.2026 | 13:00

Үөскээбит үтүө эйгэтин дьоҥҥо-сэргэҕэ тиэрдибит саха саарына

10.08.2026 | 12:30

Сөтүө сезона сабылынна, ол эрээри пляж сынньанарга, спордунан дьарыктанарга аһаҕас

10.08.2026 | 11:21

Баһылык солбуйааччытыгар ыйытыы биэриэххитин сөп

10.08.2026 | 10:55

Ыал буолааччылартан 2027 сыл кыраһыабай чыыһылаларыгар сайаапка туталлар

10.08.2026 | 10:43

Дьокуускай үс олохтооҕо криптовалютаҕа албыннаппыт

10.08.2026 | 09:30

Таалай күөл кытылын хомуйарга үс күн бэрилиннэ

10.08.2026 | 09:00

Михаил Николаев проспегынан айаҥҥа хааччахтар киирдилэр

10.08.2026 | 08:56

Дмитрий Садовников саҥа каадырдары билиһиннэрдэ

09.08.2026 | 08:00

65+ саастаахтарга диспансеризация

08.08.2026 | 15:42

Үтүө санаа аахсыйатыгар кыттыһыҥ

08.08.2026 | 11:56

Клещкэ ытыттарыы элбиир

07.08.2026 | 20:37

Түүңңү дьаарбаңкаҕа тугу булуохха сөбүй

07.08.2026 | 19:00

Дьааҥыларга өрөспүүбүлүкэ бүттүүнэ көмөлөһөр

07.08.2026 | 15:47

Оҕолорго ханнык ааттары сөбүлээн биэрэллэрий?

07.08.2026 | 15:27

Дьокуускайга – Физкультурник күнэ

07.08.2026 | 13:22

Босхо куруһуоктарга суруйтарар кэм чугаһаата

07.08.2026 | 11:38

Ардах халааныттан эмсэҕэлээбиттэргэ өйөбүл тэҥ буолуохтаах

Ордук ааҕаллар

Дьон | 04.08.2026 | 20:00

Аан Дархан тапталлаах доҕоро

Бүгүн, атырдьах ыйын 4 күнүгэр, Саха Өрөспүүбүлүкэтин Бастакы Бэрэсидьиэнэ Михаил Ефимович Николаев бу олохтон туораабыта үһүс сыла. Бүгүн Дьокуускай куорат Автодорожнай уулуссата уонна 40 №-дээх оскуола кини аатын сүгэллэр. Олорбут дьиэтигэр өйдөбүнньүк дуосканы ыйыахтара.

Сонуннар | 07.08.2026 | 19:00

Дьааҥыларга өрөспүүбүлүкэ бүттүүнэ көмөлөһөр

Халаан уутуттан улаханнык эмсэҕэлээбит Дьааҥы улууһугар билигин Саха сирин бары улуустара, ону тэҥэ Дьокуускай куорат үгүс тэрилтэлэрэ көмөлөһөн эрэллэр.

Тускар туһан | 04.08.2026 | 15:30

ЭРЭҺИИНЭ САППЫКЫ. Хайдах талабыт, төһөҕө булабыт?

Ардах, самыыр кэмэ саҕаланна. Эрэһиинэ саппыкыны таларбытыгар хас да өрүтүн көрүөхтээхпит: оҥоһуллубут матырыйаалын, уллуҥун, кээмэйин, биэтэһин, моһуонун.

Тускар туһан | 05.08.2026 | 18:00

«Анкл Бэнс» салаат

Оҕуруот аһыттан саамай хаппырыыһа суох уонна өлгөмнүк үүнэллэрэ – кабачок. Оттон сатабыллаах хаһаайкалар кабачоктан сибиэһэйдии сиэниллэр салаат арааһыттан, кыһын сииргэ анаан лечоттан, аджикаттан саҕалаан, тортка, бөрүөккэ тиийэ астыыллар.