Киин куорат күөх Кубога саҕаланна

Сааскы көҕөрдүү хампаанньата саҕаланна. Былырыын көҕүлэммит «Киин куорат күөх Кубога» бырайыакка кэккэ уларыйыылар киирдилэр.
Сүрүн уларыйыылар кыттааччылар үлэлэрин көрүү болдьоҕор сыһыаннаах. Ол курдук, бастакы түһүмэх от ыйын 17-28 күннэригэр, иккис түһүмэх атырдьах ыйын 2-18 күннэригэр сыҕарыйан биэрбит. Ону таһынан «Цветущий двор» номинацияны үс бөлөххө араарбыттар:
- элбэх кыбартыыралаах олорор дьиэлэр уонна Салайар хампаанньаларҤ
- чааһынай дьиэлэр;
- ТОС-тар уонна ТСЖ-лар.
Маны сэргэ былырыыҥҥы кохия сиббэккинэн киэргэтиигэ «КохиМания» күрэх оннугар «СолнцеМания» диэн подсолнух сибэккинэн киэргэтии күрэҕэ киирэн биэрбит. 
Күрэх бирииһин уопсай пуондатын кээмэйэ 700 тыһ. солк. тэҥнэһэр. 
Оттон Үөрэх управлениета «Чэлгийэ силигилээ, тапталлаах Дьокуускайым!» аахсыйаны көҕүлээбит. Управление начаалынньыга Мария Петрова бэлиэтээбитинэн, аахсыйаҕа үөрэх кыһалара бары кыттыахтарын сөп.
Куорат хаһаайыстыбатын үлэлэтэр сулууспа салайааччыта Владимир Аммосов көҕөрдүү үлэтин ыстаабын мунньаҕар иһитиннэрбитинэн, быйыл киин куоракка 11 тыһыынча кэриҥэ мас арааһын уонна 1,5 мөлүйүөн курдук сибэкки олордор былаан баар. 
Ол курдук, бүгүҥҥү күҥҥэ үүнээйи буора атыылаһыллан, управаларынан тарҕатыллан эрэр эбит. Бу саас оҕо саадтарыгар уонна оскуолаларга 8 тыһыынча кэриҥэ хаа петуния сибэкки сиэмэтин биэрбиттэр. Ону оҕолор үлэнэн иитии иитинэн ыһан, үүннэрэн бэлэмнээбит буолуохтаахтар. Мантан сайын арассаадаларын бэйэлэрин оскуолаларын тиэргэнигэр таһааран олордуохтаахтар. 
Бэлиэтээн эттэххэ, «Киин куорат күөх Кубога» аахсыйаны таһынан Үөрэх управлениета «Чэлгийэ силигилээ, тапталлаах Дьокуускайым!» диэн бэйэтин бырайыагын көҕүлээбит. Управление начаалынньыга Мария Петрова бэлиэтээбитинэн, аахсыйаҕа үөрэх кыһалара бары кыттыахтарын сөп.
Маны сэргэ көҕөрдүү үлэтин чэрчитинэн уопсастыбаннай миэстэлэргэ туруорарга сибэкки олордор вазоннар атыылаһыллыбыттар.
Оттон олордуллубут үүнээйилэргэ «Якутдорстрой» АУо куйаас кэмҥэ нэдиэлэҕэ түөртэ, сылаас күннэргэ нэдиэлэҕэ үстэ уу кутар графига бигэргэтиллибит.