Киин куорат күөх кубога
Күрэх икки түһүмэҕинэн ыытыллар. Бастакы түһүмэх территорияларынан арахсан от ыйын 17-28 күннэригэр барар. Бастакы түһүмэххэ ситиһиилээхтик кыттыбыттар салгыы иккис түһүмэххэ тахсаллар, иккис түһүмэх атырдьах ыйын 2-18 күннэригэр буолар.
Куонкурус номинациялара:
«Цветущий город» – бу номинация бас билии көрүҥүттэн тутулуга суох бары тэрилтэлэргэ, министиэристибэлэргэ, биэдэмистибэлэргэ, атыы-эргиэн уонна өҥөнү оҥорор эбийиэктэргэ аналлаах.
«Цветущий двор» – түөлбэлэр, ТСЖ, салайар хампаанньалар уонна элбэх кыбартыыралаах уонна чааһынай дьиэлэр олохтоохторо кытталлар.
«Цветущий сад» – оскуола иннинээҕи үөрэх тэрилтэлэрин номинацията.
«Цвет знаний» – уопсай үөрэхтээһин тэрилтэлэрин, орто анал уонна үрдүк үөрэх кыһаларын ортотугар ыытыллар.
«Эколидер» – кэмиэрсийэтэ суох тэрилтэлэр – уопсастыбаннай тэриллиилэр, уопсастыбаннай хамсааһыннар, ассоциациялар уонна сойуустар, уопсастыбалар, общиналар, биир дойдулаахтар түмсүүлэрэ, баартыйалар уо.д.а. кыттар номинациялара.
«СолнцеМания» – подсолнух сибэкки көмөтүнэн новаторскай ньымалар уонна саҥа тыыны киллэрэр сонун идеялар күрэхтэрэ. Манна араас сибэккини туһанан аныгы истиил саҥа хайысхаларын оҥорууну бэлиэтиэхтэрэ. Бу номинация эмиэ түөлбэлэр, ТСЖ, салайар хампаанньалар, бас билии көрүҥүттэн тутулуга суох бары тэрилтэлэр, министиэристибэлэр, дьаһалталар, биэдэмистибэлэр, атыы-эргиэн уонна өҥөнү оҥорор эбийиэктэр ортолоругар ыытыллар.
Кыайыылаахтары наҕараадалааһын Куорат күнүгэр ыытыллар.
Куонкурус сүрүн сыала-соруга – тэрилтэлэр тиэргэннэригэр көҕөрдүү уонна тупсаран оҥоруу хаачыстыбатын үрдэтиини ситиһии, эбийиэктэри киэргэтиигэ уонна көҕөрдүүгэ уопут тарҕатыы, атастаһыы, новаторскай ньымалары киллэрии, көҕөрдүүгэ аныгы хайысхалары көрдөрүү, куорат уокуругар тупсарыы үлэтин тэтимирдии.
Билиҥҥи туругунан күрэххэ төһө киһи, тэрилтэ кыттара чуолкай биллэ илик. Онон, куораппыт олохтоохторун, тэрилтэлэри күрэххэ көхтөөх кыттыыны ыларгытыгар ыҥырабыт.
Хаартыскаҕа Центральнай уокурук “Туллукчаан” оҕо уһуйаанын тэлгэһэтэ,
ааптар хаартыскаҕа түһэриитэ.“Туллукчаан” оҕо уһуйаана «Киин куорат күөх кубога» күрэххэ иккис сылын көхтөөхтүк кыттар.
Сонуннар
Ордук ааҕаллар
