27.09.2023 | 16:00

Киин куоракка урбаанньыттары эҕэрдэлээтилэр

Урбаанньыт уонна Аан дойдутааҕы туризм күннэрин көрсө, куорат баһылыгын иһинэн үлэлиир Урбааҥҥа уонна туризмҥа координационнай сэбиэт үөрүүлээх мунньаҕа буолла диэн Олохтоох дьаһалта пресс-сулууспата иһитиннэрдэ.
Киин куоракка урбаанньыттары эҕэрдэлээтилэр
Ааптар: Киин Куорат
Бөлөххө киир

Урбаанньыттары куорат баһылыга Евгений Григорьев, СӨ Урбааҥҥа, эргиэҥҥэ уонна туризмҥа миниистирэ Тимур Ханды, Куорат Дууматын Бэрэссэдээтэлэ Альберт Семенов, СӨ Урбаанньыттар бырааптарын көмүскүүр уполномоченнай Альбина Кычкина, СӨ Эргиэн-промышленнай палаататын бэрэсидьиэнэ Марина Богословская эҕэрдэлээтилэр.

Өрөспүүбүлүкэҕэ уопсайа 40 тыһыынчаттан тахса урбаан орто уонна дьоҕус субъектара бааллар, итиннэ 100-тэн тахса тыһыынча киһи үлэлиир. Евгений Григорьев бэлиэтээбитинэн, Дьокуускайга 20-чэ тыһыынча урбаан орто уонна дьоҕус субъектара үлэлииллэр.

«Дьокуускай сайдыытын стратегиятыгар ураты болҕомтону урбаанньыт ахсаанын элбэтиигэ уонна үлэлэрин таһымын үрдэтиигэ уурабыт. Атыы-эргиэн уонна уопсастыбаннай аһылык эйгэтигэр көрдөрүү тупсан иһэр. Бу тренд инники өттүгэр ити таһымыттан намтыа суохтаах», - диэтэ Евгений Григорьев.

Куорат баһылыга ордук көхтөөх урбаанньыттарга наҕараадалары туттартаата. Өрөспүүбүлүкэ киин куоратын сайыннарыыга кылааттарын, нэһилиэнньэ олоҕо тупсарын хааччыйалларын, идэлэрин толору баһылааһын уонна өр сыллаах үтүө суобастаах үлэлэрин иһин Олохтоох дьаһалта Бочуоттаах грамоталарынан «Дьокуускайдааҕы көтөр фабриката» АУо генеральнай дириэктэрэ Наталья Дягилева, «Цуцик» маҕаһыын дириэктэрэ Игорь Петров, «Эникс» ХЭТ толорооччу дириэктэрэ Николай Никифоров, «Копиртехсервис» ХЭТ старшай менеджерэ Андрей Третьяков, урбаанньыттар Галина Брикова, Зоя Никанорова, Александр Соловьев наҕараадалыннылар.

Итини таһынан урбаанньыттарга муниципальнай уонна судаарыстыбаннай наҕараадалары туттардылар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...