13.09.2022 | 16:00

Киин куоракка оттук сезона график быһыытынан саҕаланна

Балаҕан ыйын 13 күнүнээҕи туругунан Дьокуускайга ититиигэ элбэх кыбартыыралаах дьиэ 99,8%-на холбонно диэн «Куорат хаһаайыстыбатын үлэлэтэр сулууспа» иһитиннэрдэ.
Киин куоракка оттук сезона график быһыытынан саҕаланна
Ааптар: Киин Куорат

Куорат үрдүнэн 2940 элбэх кыбартыыралаах дьиэ баар. График быһыытынан балаҕан ыйын 15 күнүгэр диэри олорор дьиэ пуондата 100 % холбонор.

Балаҕан ыйын 13 күнүн сарсыардатыгар 7 элбэх кыбартыыралаах дьиэҕэ ититии холбоно илик. Итинтэн алтатыгар хапытаалынай өрөмүөн ыытыллан бүтэ илик, Автодорожнай уул., 38/22 №-дээх дьиэтигэр гааһы холбуур көҥүлү күүтэллэр.

Хапытаалынай өрөмүөн пуондатын эбийиэктэригэр ититиини холбооһун былаана: балаҕан ыйын 13 күнүгэр – Крупскай уул., 21, балаҕан ыйын 14 күнүгэр – Каландаришвили уул., 40/5, Билибин уул., 12, Ярославскай уул., 11, балаҕан ыйын 15 күнүгэр – Ярославскай уул., 13.  

Социальнай суолталаах эбийиэктэртэн ититии балаҕан ыйын 1 күнүгэр үөрэҕирии тэрилтэлэригэр, балаҕан ыйын 1-5 күннэригэр доруобуйа харыстабылын эбийиэктэригэр уонна социальнай тэрилтэлэргэ холбонно.  

Култуура уонна духуобунай сайдыы министиэристибэтин 87 эбийиэгиттэн ититии 84-гэр бэрилиннэ. Билиҥҥи туругунан култуура үс эбийиэгэр, ол иһигэр «Сахафильм» киинэ хампаанньатыгар (2 дьиэ), «Россия – моя история» музейга ититии бэриллэн эрэр.

Куорат уокуругун территориятыгар 17 ресурсанан хааччыйар тэрилтэ 76 хочуолунайы үлэлэтэр. Хочуолунайдар кыстыкка 100 % бэлэмнэр.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.