Киин куоракка 20 сылаас тохтобул тутулунна

2021 сылга куорат уокуругун территориятыгар оптуобус 20 сылаас тохтобула тутулунна. Санатан эттэххэ, куорат баһылыга Евгений Григорьев быйыл олунньу ыйга Уокуруктааҕы дьаһалта тутуунан дьарыктанар блогар саҥа сылаас оптуобус тохтобулларын тутар туһунан сорудахтаабыта. Бу туһунан Уокуруктааҕы дьаһалта пресс-сулууспата иһитиннэрдэ.
Сылаас тохтобуллар үбүлээһиннэрэ киин куоракка үлэ ыытылларыгар көрүллүбүт өрөспүүбүлүкэ бүддьүөтүттэн төлөммүт. 
«Главстрой» МХТ капитальнай тутууга салаатын информациятынан,  оптуобус саҥа сылаас тохтобуллара маннык аадырыстарга баар буоллулар:
1. Поярков уул., «Сельхозтехникум» тохтобул (Октябрьскай уул. диэки барыыга);
2. Лермонтов уул., «Департамент жилищных отношений» тохтобул (куорат диэки барыыга);
3. Воинскай уул., «Воинская» тохтобул (түмүк тохтобул);
4. Можайскай уул., «Сквер Гагарина» тохтобул (куорат диэки барыыга);
5. Можайскай уул., «Новопортовская» тохтобул (куорат диэки барыыга);   
6. Дзержинскэй уул., «Спортшкола» тохтобул (Богатырев уул. диэки барыыга);
7. Хабаров уул., «Площадь Победы» тохтобул (Богдан Чижик уул. диэки барыыга);
8. Семен Данилов уул., «Новинка» тохтобул (Петр Алексеев уул. диэки барыыга);
9. Мерзлотнай уул., «Институт мерзлотоведения» тохтобул (түмүк тохтобул);
10. Киров уул., «Силуэт» тохтобул (Поярков уул. диэки барыыга);
11. Курнатовскай уул., «Курнатовскай» тохтобул (Хатыҥ-Үрэхтээҕи шоссе диэки барыыга);
12. Хабаров уул., «Алмазэргиэнбанк» тохтобул (Кыайыы болуоссатын диэки барыыга);
13. Стадухин уул., «Областная больница» тохтобул (Лермонтов уул. диэки барыыга);
14. Кулаковскай уул., «Сквер Аммосова» тохтобул (Ленин проспегын диэки барыыга);
15. Кальвица уул., «Школа №10 тохтобул (Дзержинскэй уул. диэки барыыга);
16. Советскай Армия 5 сыла уул., «Авиагруппа» тохтобул (Богдан Чижик уул. диэки барыыга);
17. Маҥан сэл., Маҥанныыр тракт, «Аэропорт» тохтобул (куорат диэки барыыга);
18. Маҥан сэл., Алымов уул., «Магазин» тохтобул (куорат диэки барыыга);
19. Хатас сэл., Каландаришвили уул., «Больница» тохтобул (куорат диэки барыыга); 
20. Хатас сэл., Центральнай уул., «Агрогородок» тохтобул (түмүк тохтобул).
Сылаас тохтобуллар тутууларын сакаасчыга – «Главстрой» МХТ. Бэдэрээччик тэрилтэлэр – «Основа» ХЭТ, «Ефремов Афанасий Николаевич» ИП уонна «Кондратьев Аркадий Константинович» ИП. Муниципальнай хантыраактар уопсай суумалара 32,6 мөл. солкуобайга тэҥнэһэр. Тутуу үлэтэ балаҕан ыйын 30 күнүгэр түмүктэммит. Сылаас тохтобуллар «ЯПАК» МУТ бэрилиннилэр. 
«Главстрой» МХТ иһитиннэрбиттэринэн, сылаас тохтобуллар иэннэрэ 36,04 кв. м. (1-кы тип) уонна 23,8 кв. м. (2-с тип).    Сылаас тохтобулларга барыларыгар монитордар, салгын рециркулятордара, ыскамыайкалар, уурналар, доруобуйаларыгар хааччахтаах дьоҥҥо анаан пандустар баар буолуохтара.  Маны сэргэ тохтобулларга гаджеттары иитэр розеткалар, видеонан кэтээн көрүү, «инфракраснай» ититии бааллар. 
Сылаас тохтобуллар, оптуобустар сылдьар кэмнэригэр, сарсыарда 7 чаастан киэһэ 11 чааска диэри аһаҕас буолуохтара.