18.04.2024 | 12:00

«Киэҥ киэли кистэлэҥэ» Александр Манжурьев айар быыстапката

СӨ Национальнай ойуулуур-дьүһүннүүр түмэлигэр худуоһунньук, скульптор, ювелир Александр Манжурьев “Киэҥ киэли кистэлэҥэ” диэн айар үлэтин быыстапката арылынна.
«Киэҥ киэли кистэлэҥэ» Александр Манжурьев айар быыстапката
Ааптар: Уйгулана БОЧОНИНА
Бөлөххө киир

Александр Владимирович Манжурьев 1971 с. Бүлүү улууһугар төрөөбүтэ. 1991 с. Намнааҕы художественно-педагогическай училищены, 2000 с. Илиҥҥи-Сибиирдээҕи култуура уонна ускуустуба судаарыстыбаннай академиятын  бүтэрбитэ. Бэйэтин үлэтигэр худуоһунньук араас матырыйаалы туттар: боруонса, үрүҥ, кыһыл көмүс, мас, сэлии муоһа, күндү таастары. Александр Манжурьев үлэлэрэ өрөспүүбүлүкэ тас өттүгэр түмэллэргэ, Европа, Индия, АХШ, Кытай уонна Япония чааһынай кэллиэксийэлэригэр хараллаллар.

Быыстапка арыллыытыгар Саха тыйаатырын артыыстара “Тулаайах оҕо” испэктээктэн быһа тардыыны оонньоон көрдөрдүлэр. Александр Владимирович испэктээккэ анаан дьоруойдар таҥастарын-саптарын айан таһаарбыта биллэр.

«Александр Манжурьев былыргы уустар, худуоһунньуктар, норуот маастардарын суолларын-иистэрин ситимнээн, норуоппут сүдү баайын салҕаан, аныгылыы көрөн, XXI-с үйэҕэ хатыламмат уонна кэрэ оҥоһуктары оҥорон тиэрдэр. Кини Далан «Тулаайах оҕо» айымньытын тыынын, ис хоһоонун биэрэр үтүө айымньылары оҥорон таһаарбытыгар биһиги махтанабыт», — диэн СӨ култуураҕа уонна духуобунай сайдыыга миниистирэ Афанасий Ноев бэлиэтээтэ.

Александр Манжурьев уран тарбахтаах, бэйэтэ туспа көрүүлээх, ураты буочардаах худуоһунньук. Олоҥхо, остуоруйа, фольклор муҥурун булларбат тиэмэлэрэ киниэхэ чугастара сөхтөрөр. Ол курдук быыстапкаҕа “Күлүк”, “Күн дойдутугар айан”, “Куоҕас суола”, “Уйа”, “Күлүмэн”, “Биһик”, “Кийиит”, “Аан Алахчын хотун” илин кэбиһэр уонна да атын үлэлэрэ турдулар.

“Саха сирэ былыргыттан үрүҥ көмүс уустарынан аатырар. Кырдьык, ханна да тиий, ханнык баҕар түмэлгэ сырыт, Саха сирин биллэр маастардарын үйэлээх, кэрэ, күүстээх айымньыларын көрсөҕүн. Уонна бу үгэстэр Александр Манжурьев айар үлэтигэр саҥаттан үөскүүллэр”,— диир Влада Тимофеева, НХМ дириэктэрэ.

Быыстапкаҕа киирэр ааҥҥа чуораанчыктар ыйанан тураллар. Хас биирдии ыалдьыт ону чугдаардан, өһүөннээх күүстэртэн харыстанар.

“Киэҥ киэли кистэлэҥэ” быыстапка НХМ сүрүн дьиэтигэр ыам ыйын 19 күнүгэр диэри салҕанар.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...