Кэтэх хаһаайыстыбаҕа — 15 мөлүйүөннээх грант

СӨ тыа хаһаайыстыбатын министиэристибэтэ дьиэ кэргэнинэн кэтэх хаһаайыстыбаны сайыннарыыга 15 мөлүйүөн солкуобайга диэри кээмэйдээх грант ылар иһин куонкурус тэрийдэ, сайаапкалары хомуйан саҕалаата.

Субсидияны Саха сиригэр 12 ыйтан ордук үлэлиир бааһынай (фермерскэй) хаһаайыстыбалар эбэтэр предпринимателлэр ылыахтарын сөп.

Үбү бырайыак-ороскуот докумуонун оҥоһуутугар, үлэ эбийиэгин атыылаһыыга, тутууга, саҥардыыга, өрөмүөҥҥэ эбэтэр тыа хаһаайыстыбатын үлэтигэр-хамнаһыгар туһаныллар тиэхиньикэни атыылаһыыга туһаҕа таһаарыахха сөп.

Быйыл дьиэ кэргэнинэн кэтэх хаһаайыстыбаны сайыннарыыга уопсайа134,7 мөлүйүөн солкуобай суумалаах грант, ол иһигэр 112,3 мөлүйүөн — федеральнай үптэн көрүлүннэ.

Сайабылыанньаны муус устар 24 күнүгэр диэри Тыа хаһаайыстыбатын министиэристибэтигэр туталлар. Аадырыһа: Курашов уул., 28-с №-дээх дьиэтэ, 212 №-дээх кабинет.