10.05.2020 | 12:15

Кэнэҕэски ыччат кэрэхсээн ааҕыа

Кэнэҕэски ыччат кэрэхсээн ааҕыа
Ааптар: Киин Куорат

Муус устар 19 күнүгэр «Сайар Сарыал» литературнай түмсүү тэриллибитэ биир сылын туолла.

Бу түмсүү ыытар үлэтин туһунан Култуура уонна духуобунай сайдыы министиэристибэтин иһинэн тэриллибит Ресурснай-бырайыактыыр киин методиһа, түмсүү салайааччыта Виктор Павлович Стручков-Дуулаҕа Дьуһаал аҕыйах хонуктааҕыта «Тэтим» араадьыйаҕа быһа эфиргэ тахсан, бэрт киэҥник сырдатта. «Култуура уонна духуобунай сайдыы министиэристибэтин иһинэн үлэлиир ресурснай-бырайыактыыр кииҥҥэ дириэктэринэн уопуттаах салайааччы Михаил Михайлович Донской үлэлиир. Мин сүрүннүүр методист быһыытынан үлэлиибин. Биhиги хайысхабыт сүрүн ирдэбилэ – култуура сайдар тосхоллорун ыйан-кэрдэн биэрии, баар кыахтары табатык аттарыы, дьон-сэргэ уопсай үлэтин, сынньалаҥын сөпкө салайыы», - диэн Виктор Павлович үлэлиир тэрилтэтин сүрүн соругун билиһиннэрдэ. «Сайар Сарыал» түмсүүгэ хоһоон кутугар дууһаларын туттарбыт 57 киһи сылдьан, хоһоону суруйуу үөрүйэхтэригэр дьарыктанар. Түмсүү тэрилиннэҕин утаа Дорҕоон Дойду устуудьуйаҕа уһуллан, бастакы сүрэхтэниилэрин ааспыттар. Онтон салгыы куорат ыһыаҕар анал түһүлгэ ылан, түмсүү үгүс чилиэннэрэ хоһооннорун аахпыттар. Бу тэрээһин ютуб ханаалыгар угуллан, киэҥ көрүүгэ тахсыбыт.

 «Сайар Сарыал» түмсүү салайааччыта Дуулаҕа Дьуһаал араадьыйаҕа этиитигэр, түмсүү тэриллэригэр үтүөлээх дьонунан элбэх хоһоон түмсүүтүн тэрийбит Илья Ильич Афанасьевы - Алмааһы, «Үһүс көлүөнэ» иһинэн үлэлиир «Айар-Кут» куруһуок салайааччыта, СӨ култууратын үтүөлээх үлэһитэ Галина Ильинична Захарованы-Уордьаннаах кыыһын, култуура бэтэрээнэ, краевед Анна Петровна Григорьеваны, Луиза Петрованы-Этигэн Ыраны бэлиэтээтэ. Түмсүүгэ сиппит-хоппут айымньылардаах Татьяна Потапова - Татыйык, Валентина Яковлева – Чэлгийээнэ, Дария Захарова - Даайа, Алла Сельтюкова — Айаалла, Ульяна Иванова - Ива, Николай Нутчин - Дьуур баалларын астынан туран бэлиэтээтэ. Виктор Павлович нэдиэлэ биэс күнүгэр анал график быһыытынан, үстүү-түөртүү киһини ыҥыран, хоһоон тутулун, сахабыт тыла хайдахтаах курдук дириҥин, хоһоону суруйуу быраабылаларын үөрэтэр, быһаарар. «Дорҕоон тойуга», «Сайар Сарыал» диэн биир ситимнээх бассаап бөлөхтөөхпүт. «Сайар Сарыал» Норуот айымньытын киинин кытта сүбэлэһэн, ый аайы альманах таһаарар буолла. Бастакы нүөмэрэ бэчээттэнэн тахсыбыта. «Сайар Сарыал» түмсүү инники былаана киэҥ. Сахабыт тыла сүтэн-оһон хаалбатыгар, кэнэҕэски ыччат кэрэхсээн ааҕар хомоҕой хоһоонноро, кэрэхсэнэр кэпсээннэрэ тахсарыгар туһуланар. Киэҥ билиилээх, ыллыктаах санаалаах, сытыы бөрүөлээх Саха саарына Виктор Павлович Стручков - Дуулаҕа Дьуһаал салайар «Сайар Сарыал» түмсүүтэ саҥа саҕахтары арыйан, киэҥ аартыкка тахсан, үлэтэ үтүө түмүктэрдээх буоларыгар баҕарабыт.

Анна Данилова, педагогическай  үлэ бэтэрээнэ, СӨ үөрэҕириитин туйгуна

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.