21.09.2021 | 14:00

Кэлэр кэм идэлэригэр үөрэтэр киин

Кэлэр кэм идэлэригэр үөрэтэр киин
Ааптар: Айталина Софронова
Бөлөххө киир

Балаҕан ыйын 1 күнүгэр  Дьокуускай куорат Техническэй айар киинин баазатыгар «IT-куб» диэн цифровой үөрэх киинин үөрүүлээх аһыллыыта буолан ааспыта. Бу туох сыаллаах-соруктаах тэрилтэ буоларын билсээри, техническэй айар кииҥҥэ тиийэ сырыттым.

«IT-куб» диэн тугуй?

Бу информационнай технологиялар эйгэлэригэр актуальнай уонна ирдэнэр билиини, үөрүйэхтэри хаҥатыыга уонна информационнай технологиялары баһылыырга туһуламмыт бырагырааманан оҕолору үөрэтэр киин.

 

Национальнай бырайыак чэрчитинэн тэриллэн үлэлиир. Манна 7-тэн 18-гар диэри саастаах оҕолорго аныгылыы үөрэх тиһигин тэрийэллэр. Бэлиэтээн эттэххэ, үөрэнээччилэр IT-компетенцияларга буор босхо үөрэнэллэр.

 IT ханнык салаатыгар үөрэтэллэр?

Кииҥҥэ оҕолор уопсайа аҕыс IT сатабылларыгар үөрэнэллэр:

«Основы алгоритмики и логики» – манна программирование уопсай өйдөбүлүн үөрэтэллэр. Бырагырааманы сатаан суруйар эрэ киһи инникитин бэйэтэ сыһыарыы, сайт оҥорор кыахтаах.

 

«Программирование на Python» – үөрэнээччилэргэ саамай судургу уонна өйдөнүмтүө Python бырагырааматын суруйарга үөрэтэллэр. Салгыы бэйэлэрэ ааптарыскай бырайыактаах дьон буолан тахсаллар.

«Мобильная разработка» – оҕо икки улахан үрдэли тахсан баран, мобильнай сыһыарыы оҥорор буолар. Ордук  9-10 кылаас үөрэнээччилэрэ сатаан таба тутталлар. Мобильнай сыһыарыы Java платформаҕа оҥоһуллар.

«VR/AR разработка», «Программирование Java», «Motion design» – 3D моделированиеҕа уонна оҥоһуктарын бырагыраамалааһыҥҥа ананар. Ону сэргэ сайдыы суолунан креативнайдык толкуйдуурга үөрэниэхтэрэ. 

Саҥа таһым

Инфраструктура өттүнэн саҥа таһымҥа тахсыбыт, чахчы аныгы сайдыылаах куораттартан туох даҕаны уратыта суох эбит диэн бэлиэтии көрдүм. Хас кабинет ахсын  үрдүк технологиялаах оборудованиелар тураллар.

Маны сэргэ, үөрэх бырагыраамалара билиҥҥи олохпутугар сөп түбэһэллэр. Тоҕо диэтэххэ, сайдыы балысханнык бара турар, олох-дьаһах барыта IT-ны кытта ситимнэннэ.

Саргылана Иванова,  Дьокуускай куораттааҕы Техническэй айымньы киинин салайааччыта:

 - «IT-куб»  биһиги кииммитигэр структурнай салаа быһыытынан тэриллибитэ. Эбийиэк дьиэтэ хапытаалынай өрөмүөнүнэн сибээстээн Ломоносов уулуссатын, 37/1, үлэлии турар. Билигин «IT-куб» диэн цифровой үөрэх киинин педагогическай састааба толору тэрилиннэ, учууталларга федеральнай таһымнаах квалификацияларын үрдэтэр куурустар ыытылыннылар.

 

Дьарыктарга оҕолору эрэнэ күүтэбит

Алексей Попков, «IT- куб» цифровой үөрэх киинин салайааччыта:

 – Биһиги кииммитигэр уһуйуллар оҕолор Java, Python курдук таһымнаах бырагыраамалары кытта сатаан үлэлиир буолуохтара, ону сэргэ БКЭ, ОГЭ да туттаралларыгар дьоһун суолталаах үөрүйэхтэри ылыахтара.

Алын кылаас оҕолоругар Scratch бырагырааматын үөрэтэбит.  Scratch (Скретч) – бырагыраамалааһыҥҥа уонна оонньуулары  оҥорууга визуальнай эйгэ. LEGO конструкторын санатар, кодтары суруйуох оннугар конструктор курдук хомуйан таһаараллар. Үөрэнээччилэр кыра эрдэхтэриттэн бырагыраама суруйан саҕалаатахтарына үрдүкү кылаастарга Scratch бырагырааматын баһылыахтаахтар. Бырагыраама уустук тылыгар улам көһөн иһэллэр. Ону сэргэ 3Д моделированиеҕа, Моушен дизайҥҥа үөрэтэбит.

Биһиги кииммит дэгиттэр дьоҕурдаах үөрэнээччилэрэ  хас биирдии үөрэх кэрдииһигэр ылбыт билиилэрэ-көрүүлэрэ инникитин идэ талалларыгар  тоҕоостоох буолуоҕа.

 

Күндү оҕолор уонна ытыктабыллаах төрөппүттэр! IT-куб киинигэр дьарыктаныаххытын баҕарар буоллаххытына, хайаан даҕаны программист идэтин ылаҕыт диэн буолбатах. Саамай сүрүнэ — аныгы үйэ сатабылларын баһылыаххыт. Эһигини "IT-куб" күүтэр!

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...